Jinên ciwan li dijî tecrîdê li DMME’yê çalakî li dar xistin 

2021-05-08 08:45:57


	 

	NAVENDA NÛÇEYAN - Jinên ciwan ên kurd û enternasyonalîst li dijî tecrîda li ser Rêberê PKK'ê Abdullah Ocalan li Dadgeha Mafê Mirovan a Ewropayê (DMME) çalakî li dar xistin. 

	 

	Jinên ciwan ên kurd û enternasyonalîst li bajarê Strasboûrg a Fransayê çalakî li dar xistin. Çalakî di çarçoveya kampanya ‘Em dibêjin NA’ de pêk hat. Komek jinên ciwan derketin ser banê avahiya DMME’yê pankarta bi nivîsa "Ji tecrîdê re dibêjin na" daliqandin û posterê Rêberê PKK'ê Abdullah Ocalan vekirin.

	 

	Komeke din jî, li pêşiya ketina avahiyê bi erbane û diholan çalakî pêk anîn. Jinên ciwan dest bi çalakiyê kirin, diyar kirin ku dixwazin bi rayedarên DMME’yê re bicivin û têkildarî rewşa Rêberê PKK'ê Abdullah Ocalan dosyayekê pêşkêş bikin.