
Pervîn Buldan çû serdana karkeran 

2021-05-01 15:36:19


	&nbsp;

	STENBOL - Bi minasebeta 1'ê Gulenê, Hevseroka Giştî ya HDP'ê Pervîn Buldan, çûn serdana karkerên li Şantiyeya Galataport a Karakoyê, Pervîn di serdanê de diyar kir ku dê teqes pergalê biguherînin.&nbsp;

	&nbsp;

	Hevseroka Giştî ya Partiya Demokratîk a Gelan (HDP) Pervîn Buldan û heyeta pêre li Şantiyeya Galataport a Bakirkoyê, bi minasebeta cejna 1'ê Gulanê Roja Karker û Kedkarên cîhanê karker ziyaret kirin. Di heyetê de parlamenterên HDP'ê û rêveberên HDP'ê yên navendî amade bûn. Dîsa nûnerên Rêxistina Şoreşger û Serokê Giştî yên Dev Yapi-Îş'ê Ozgur Karabulut tev li heyetê bûn. Heyeta HDP'ê û nûnerên sendîkayan karker ziyaret kirin û 1'ê Gulanê li wan pîroz kir.&nbsp;

	&nbsp;

	Hevseroka Giştî ya HDP'ê Pervîn Buldan, ewil 1'ê Gulanê li karkeran pîroz kir û wiha got: "Di rojek wisa de jî karkeran didin xebitandin. Karkeran bi Kod-29 &nbsp;ji kar derdixin û keda karkeran dixwin. Em weke HDP li cem we ne. Em ê bi hev re vê têkoşînê mezin bikin."&nbsp;

	&nbsp;

	Karkeran jî ji ber ziyareta heyeta HDP'iyan kêfxweşiya xwe anîn ziman û diyar kirin ku dê bi hev re têbikoşin.&nbsp;

	&nbsp;

	Li Mêrsînê pêşwazîkirina 1'ê Gulanê

	&nbsp;

	Li Mêrsînê jî nûnerên Platforma Ked û Demokrasyê ya Mêrsînê bi heman armancê li Qada Komarê ya Mêrsinê cejna 1'ê Gulanê Roja Karker û Kedkaran pîroz kir. Nûnerên partiyên siyasî û rêxistinên civakî jî tev li daxuyaniyê bûn. Kedkaran berdilkên li ser "Bijî 1'ê Gulan" li xwe kirin û bê navber dirûşmeyên “Bijî Yek Gulan”, “Bijî Biratiya Gelan" “Her der Taksîm û her der 1'ê Gulanê" berz kirin. Nûnerên platformê bi srûda 1'ê Gulanê" meşiyan. Serokê Şaxa Genel-Îş'ê yê Mêrsînê Kemal Goksoy, anî ziman ku îqtîdarê şewba vîrûsê kir hincet û li pêş 1'ê Gulanê astengî derxist û wiha got: "Destûrê didin ku karker kolanan paqij bikin. Destûr didin mitîngên xwe. Destur didin ku karker li fabrîqan kar bikin. Lê destûr nadin karker roja xwe pîroz bikin. Em ê her derê bikin qada 1'ê Gulanê. Em bang li hemû kesan dikin ku êvarî saet di 21.00’an de li eywanên malên xwe di şibakeyên xwe de 1'ê Gulanê piroz bikin."&nbsp;

	&nbsp;

	Li Antalyayê karker daketin qadan&nbsp;

	&nbsp;

	Endamên Malên Gel a Antalya jî bi armanca 1'ê Gulanê daketin kolanan û dirûşmeyên "Bijî 1'ê Gulanê" berz kirin û li kolanan meşiyan. Piştî meşê polîsan mudaxale kir û 4 kes binçav kirin. Polîsan bi hinceta zagon îhal kirine ji bo her yekî 3 hezar û 150 tel ceza birî. Gelek karker û kedkaran li eywan û şibakeyên xwe pankarta "Bijî 1'ê Gulan" vekirin.&nbsp;