
Çalakiya edaletê ya Emîne Şenyaşar di roja 41'emîn de ye 

2021-04-18 12:44:44


	&nbsp;

	&nbsp;

	RIHA - Çalakiya edaletê ya Emîne û Ferît Şenyaşar di roja 41'emîn de ye. Emîne û Ferît ji ber qedexeya derketina derve çalakiya xwe li malê berdewam dikin.

	&nbsp;

	Emîne Şenyaşar a ku hevjînê xwe û du lawên xwe di êrişa AKP’iyan de li Pirsûsê winda kir, li gel lawê xwe Ferît Şenyaşar 41 roj in li ber Edliya Rihayê bi daxwaza “Edaletê” çalakî li dar dixe. Malbata Şenyaşar ji ber qedexeya derketina derve neçû ber Edliyeyê. Emîne û Ferît Şenyaşar li mala xwe nobeta xwe ya edaletê berdewam dikin.&nbsp;

	&nbsp;

	Malbatê li ser hesabê xwe yê Twîtterê dîmenên dema êrîşa li ser kargeha xwe parvekirin û got, "Heyeta dadgehê diyar nekiriye ku êrîş kê kiriye. Bi nêrîna we li gorî kameraya li derve gelo êrîş ji aliyê du kesên li hundir ve pêk hatiye an jî ji aliyê ximên malbata Yildiz ku her diçe hejmara wan zêde dibe ve pêk hatiye? (Ger ku kesê tîşort zer cara 2'emîn neketa hundir û êrîş nekiriba wê tu kes nemirana.)"

	&nbsp;