Çalakiya greva birçîbûnê di roja 133'yemîn de ye  

2021-04-08 09:07:26


	 

	NAVENDA NÛÇEYAN - Çalakiya greva birçîbûnê ku li dijî tecrîda li ser Rêberê PKK'ê Abdullah Ocalan û binpêkirinên mafan ên li girtîgehan hatibû destpêkirin bi koma 27'emîn di roja 133'yemîn de didome. 

	 

	Çalakiya greva birçîbûnê ya li dijî tecrîda li ser Rêberê PKK'ê Abdullah Ocalan û binpêkirina mafên li girtîgehan ku di 27’ê Mijdara 2020'î de li girtîgehên Tirkiyeyê û herêmê hatibû destpêkirin didome. Çalakiya ku bêdem û dorveger hatibû destpêkirin bi koma 27'emîn di roja 133'yemîn de didome. 

	 

	Xizmên windayan dan zanîn êdî sebra wan nemaye û divê demildest tecrîd bê dawîkirin û gotin divê binpêkirina mafên li girtîgehan bên bidawîkirin û wiha dewam kirin:"Dewlet hiqûqa dijminatiyê li dijî zarokên me bi kar tîne. Em vê ya qebûl nakin. Ji ber tiştên ku diqewimin rayedarên dewletê berpirs in. "