
Hevseroka SES'ê çû serdana Emîne Şenyaşar 

2021-04-02 15:06:38


	&nbsp;

	&nbsp;

	RIHA - Hevseroka Giştî ya SES'ê Selma Atabey çû serdana Emîne Şenyaşar a ku 25 roj e li ber Edliyeya Rihayê bi daxwaza "edaletê" di çalakiyê de ye. Selma piştî serdanê daxuyanî da û got, "Kesên ku li heberî vê zilmê bêdeng bimînin ne mirov in."

	&nbsp;

	Hevseroka Giştî ya Kedkarên Xizmetên Civakî (SES) Selma Atabey jî di nav de, endamên Lijneya Rêveberiyê ya Navendî û Hevserokên SES'ê yên Rihayê çûn serdana Emîne Şenyaşar a ku 25 roj e li ber Edliyeya Rihayê bi daxwaza "edaletê" di çalakiyê de ye.&nbsp;

	&nbsp;

	'Em bi ku de biçin polîs li dû me ne'

	&nbsp;

	Emîne ya ku tişta jiyaye ji Selma re vegot, bi bîr xist ku duh polîsan li lawê wê Ferît dane û got, "Em bi ku de biçin polîs li dû me ne. &nbsp;Titştekî ku em veşêrin tune ye. Bila kesên ku qeydên kamerayê vedişêrin bişopînin. &nbsp;Îro daneşîna lawê min heye û ez dixwazim ku lawê min demildest serbest bê berdan. Lawê min bê sûc di girtîgehê de ye. Bila qeydên kamerayê aşkera bikin ger ku zarokên min sûcdar in bila hemûyan bigirin."

	&nbsp;

	Emîne dema bahsa xwe kir nikaribû rondikên çavên xwe bigirta. Abdî yê ku ji ber Ferît çû daneşînê nobeta wî dewr girt jî li ber lorandina dayika xwe xwe negirt û hestiyar bû.

	&nbsp;

	"Bê edaletî berdewam e'

	&nbsp;

	Heyetê piştî serdana xwe daxuyanî da. Li ser navê girseyê Sema daxuyanî da û got ku tişta tê jiyîn wicdanê herkesî birîndar dike. Selma wiha berdewam kir, "Di pêvajoyê de em hem bûn şopdarên malbatê û hem jî yê hevalên xwe ku li nexweşxanê dixebitîn. Lê agahî ji me hatin veşartin. Bi sala ye bê edaletî û bêhiqûqî didome. &nbsp;Bi sala ye ku kes ji bo edaletê nobetê digirin. Emîne Şenyaşar jî yek ji wan e."

	&nbsp;

	'Em li gel wicdanê civakê ne'

	&nbsp;

	Selma diyarkir ku Emîne mafdar e û got ku ew ê her li gel malbatê bin û ji malbatê re bibin piştgir. &nbsp;Selma got ku ji ber di dosyayê de tu pêşketin tune ye Emîne di çalakiyê de ye û wiha dawî li axaftina xwe anî,"Em li gel wicdanê civakê ne. Em dibêjin ku kesên li hember êşa vê dayikê bêdeng dimînin ne mirov û bê wicdan in. Em ê şopdarên dozê bin."

	&nbsp;