
Şengalî dijî gefan dê sibehê dakevin kolanan 

2021-03-27 12:02:33


	&nbsp;

	&nbsp;

	ŞENGAL - Pêkhateyên Şengalê li dijî helwesta hikûmetên Bexda û Hewlêrê dê sibehê meşeke girseyî li dar bixin. Komîteya amadekar banga tevlîbûnê li Şengaliyan kir.&nbsp;

	&nbsp;

	Bertek û nêrazîbûnên li hemberî hevpeymana di navbera Bexda û Hewlêrê didomin. Tevgera Azadiya Jinên Êzidî (TAJÊ), Partiya Azadî û Demokrasiya Êzidiyan (PADÊ), Nûnerên YBŞ-YJŞ’ê, Asayîşa Êzîdxanê û nûnerên rêxistinên civakî bi pêşengiya Meclîsa Xweseriya Demokratîka Şengalê (MXDŞ) li dijî nêzikatiya hikûmetan civiyabûn û biryarên girîng girtibûn. Şengaliyan da zanîn ku dê li hemberî helwestda hikûmetan li ber xwe bidin.&nbsp;

	&nbsp;

	Derbarê mijarê de hemû pêkhateyên Şengalê dê sibê meşek girseyî li dar bixin. Meş dê sibe saet di 13.00’an de li pêşiya Qae Laleş a li navenda Şengalê dest pê bike.

	Meşa ku dê li ser navê pêkhateyên Şengalê bê birêvebirin, wê li Çerxerêya Yermuk bidawî bibe û piştre jî dê daxuyaniyek were dayîn.

	&nbsp;

	Komîteya amadekar bang li tevahiya civaka Şengalê kir ku tevlî meşê bibe.

	&nbsp;

	&nbsp;