
Çalakiya 'edaletê' ya Emîne Şenyaşar di roja 18'emîn de ye 

2021-03-26 13:59:10


	&nbsp;

	&nbsp;

	RIHA - Emîne Şenyaşar û kurê wê Ferît Şenyaşar nobeta xwe ya edaletê ya 18 roj in didomin vê carê bi ziyaretkirina Gola Masiyan (Balikligol) cihê Hz. Îbrahîm lê avêtin agir domandin.&nbsp;

	&nbsp;

	Li Pirsûsa Rihayê di 24'ê Hezîrana 2018'an de berî hilbijartinên giştî ji aliyê parêzvan û xizmên Halîl Yildiz hevjînê Emîne Şenyaşar Haci Esvet û du zarokên wê Celal û Adil Şenyaşar hatin kuştin. Her wiha piştre kurê Emîne Fadil Şenyaşar jî bi birîndarî ket girtîgehê. Li dijî vê yekê Emîne Şenyaşar û lawê wê Ferît Şenyaşar li ber Edliyeya Rihayê dest bi nobeta 'êdaletê' kirin. Nobeta Emîne û Ferît di roja 18'emîn de didome. Di saetên serê sibehê de Emînê û kurê wê Ferît berê çûn serdana ziyareta Gola Masiyan (Balikligol) û daxwazên xwe yên edaletê anîn ziman.&nbsp;

	&nbsp;

	'Em ê dest ji daxwaza xwe ya mafdar bernedin'

	&nbsp;

	Li ser hesabê medyaya civakî ya malbatê, têkildarî ziyaretê ev parvekirin hat kirin: “Me li cih û warê Hz. Îbrahîm, xwe spart edaleta şaşnebar a Xwedê û wisa dest bi têkoşîna xwe ya edaletê kir. Ligel hemû astengiyan jî, em ê dest ji daxwaza xwe ya mafdar bernedin. Daxwaza me ya edaletê di roj 18’emîn de dewam dike.”&nbsp;

	&nbsp;

	Ji bo hevdîtinê radiwestin

	&nbsp;

	Malbat piştî ziyaretê hat Edliya Rihayê û xwest bi dozgerê dosyayê re hevdîtin bike. Ji bo hevdîtina saet 16.00’an a bê lidarxistin, malbat li avahiya edliyê radiweste.

	&nbsp;

	&nbsp;