
Li Yenîkapiyê agirê Newrozê hat vêxistin: Em ê teqez bi ser bikevin 

2021-03-20 13:50:17


	&nbsp;

	STENBOL- Di metna hevpar a di Newroza Yenîkapiyê de hat xwendin de têkoşîna hevpar a kedkar û bindestan bal kişand. Di metnê de wiha hat gotin:"Bijî piştevaniya şoreşî. Em mafdar in, em serî hildidin û em ê teqez bi ser bikevin."&nbsp;

	&nbsp;

	Bi hezaran kes ji bo Newroza ew ê bi dirûşma "Em agirê Newrozê serî hildin azad bibin" bê pîrozkirin diheriqin Qada Yenikapiyê. Jin bi rengên kes sor û zer û bi cilên xwe yên gelêrî diherikin qadan. Ciwanan bi govenda gerandin çalakiyên girevên birçîbûnê yên li dijî tecrîda li ser Îmraliyê silav kirin.&nbsp;

	&nbsp;

	Pîrozbahiya Newrozê bi girtina rêzê ya ji bo têkoşerên azadiyê dest pê kir. Girseyê bi nîşaneya serfiraziyê dirûşma "Şehîd namire" berz kir.&nbsp;

	&nbsp;

	Di bernameya Newrozê de navên beşdaran piştre hat xwendin. Li ser navê Komîteya Tertîpê ya Newrozê Murat Kalmaz mafê axaftinê girt û Newroza welatiyan pîroz kir.&nbsp;

	&nbsp;

	Piştre li ser navê Platforma Hêzên Demokrasî Ked, Aştî û Demokrasiyê ji Malagel Zeynep Çelîk xwend.&nbsp;

	&nbsp;

	Di metnê de hat ragihandin xistina parlamenterê HDP'ê Omer Faruk Gergerligolu wekî darbeyê hat nirxandin û hat gotin li dijî hêzên demokratîk nirxên gel êrişeke mezin heye û li dijî van êrişana ew ê serîhildan bidome.&nbsp;

	&nbsp;

	Piştî xwendina metna hevpar girseyê dirûşma "Bijî berxwedana zindanan" berz kir.&nbsp;

	&nbsp;

	Ji bo Kadikoyê bang&nbsp;

	&nbsp;

	Zeynepê bi bîr xist ku Peymana Stenbolê hatiye feshkirin û got ew ê sibehê saet di 17.00'an de li Îskeleya Beşîktaşa Kadikoyê kom bibin.

	&nbsp;

	Piştre jinan dirûşma "Em natirsin serî natewînin" berz kirin.&nbsp;

	&nbsp;

	Elif Bulut: Em ê kuçeyan terk nekin

	&nbsp;

	Hevserokên HDP'ê ya Stenbolê Elîf Bûlût û Erdal Avci ji bo axaftinê derketin ser dikê. Elif Bulut a bi kincên xwe yên gelêrî derket ser dikê wiha got:"Em gel e gel li vir e. Îradeya kesekî têr nake ku HDP'ê bigire. Rêhevalên me yên di vê riyê de bedel dane heye. Em ê kuçeyan terk nekin."

	&nbsp;

	Piştî axaftina Elîfê dirûşmên “Bê serok jiyan nabe”, “Bijî serok Apo” hatin rizgarkirin.&nbsp;

	&nbsp;

	Agirê Newrozê hat vêxistin

	&nbsp;

	Piştî axaftinan Elif û Erdal agirê Newrozê vêxistin.&nbsp;

	&nbsp;

	Bi dirûşmên girseyê yên "Em Abdullah Ocalan silav dikin" pîrozbahiya Newrozê didome.&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;