
Dê li Îzmîrê Newroz li Qada Gundogduyê bê pîrozkirin

2021-03-16 13:36:08


	&nbsp;

	ÎZMÎR - Di civîna çapemeniyê ya bi beşdariya HDK, HDP, TJA û Însiyatîfa Dayikên Aştiyê ya Îzmîrê pêk hat de banga beşdariya pîrozbahiya Newrozê ya dê roja şemiyê li Îzmîrê bê kirin, hat kirin.&nbsp;

	&nbsp;

	Bi munasebeta pîrozbahiya Newrozaê ya dê saet di 13.00'an de li &nbsp;Qada Gundogduyê ya Îzmîrê bê kirin &nbsp;HDK, HDP, TJA û Însiyatîfa Dayikên Aştiyê ya Îzmîrê civîna çapemeniyê li dar xistin.&nbsp;

	&nbsp;

	Aktivîsta TJA'yê Turkan Poyraz a di civînê de axivî wiha got:"Newroz dîroka tê jiyîn e. Hafizaya serîhildana hevpar e. Mizgîniya bihar, yekîtî û raperîna jinê ye."

	&nbsp;

	Ayşe Yilmaz a li ser navê Meclîsa Jinê ya HDK'ê axivî wiha got ji bo gihaştina nifşên nû ya mîrateya ji Kawayê Hesinkar maye û têkoşîna li dijî Dehakan em banga beşdariya qadên Newrozê dikin.&nbsp;

	&nbsp;

	Ji Însiyatîfa Dayikên Aştiyê ya Îzmîrê Behiye Yalçin Cejna Newrozê pîroz kir û Rahşan Demirel a di 21'ê Adara 1992'yan de bedena xwe da ber agir bi bîr anî. Her wiha Behiye bal kişand ser salvegera Komkujiya Helebceyê û wiha got:" Helebce rojeke reş e. Bi dehan mirov bi gazên jehrî hatin qetilkirin. Kesên di hembêza dayikên wan de zarokan dikujin em wan lanet dikin û em dibêjin ew ê agirê Newrozê li çar parçeyan geş bibe."

	&nbsp;

	Ji Meclîsa Jinê ya HDK'ê Besriye Tekgur banga gelê Îzmîrê kir ku beşdarî Newrozê bibin.&nbsp;

	&nbsp;

	Daxuyanî ji aliyê Hevserokê HDP'ê yê Îzmîrê Kadir Baydur hat xwendin.&nbsp;

	&nbsp;

	Di daxuyaniyê de Komkujiya Helebceyê hat lenetkirin û di heman demê de çalakiyên grevên birçîbûnê hatin bibîrxistin û hat ragihandin divê tecrîd bi dawî bibe. Her wiha hat diyarkirin ku AKP-MHP &nbsp;qeyranên ji aliyê hêzên hegemonîk ve li Rojhilata Navîn tên kûrkirin ji xwe re wekî fersendekê dibînin û bi şerê li ser kurdan didin meşandin dibe sedema cudatiya di nava gelan de.&nbsp;

	&nbsp;

	Herî dawî hat gotin ku ew ê bi koda HES'ê derbasî qada Newrozê bê kirin û kesên kodên wan tune be jî ew ê di têketina qadê de jî alîkariya wan bê kirin. Ew ê parlamentera HDP'ê ya Îzmîrê Serpîl Kemalbay û Serokwekîlê Koma HDP'ê Sarûhan Oluç beşdarî pîrozbahiya Newrozê bibin. Ji hunermendan jî Ayfer Duztaş û Arhatê beşdarî pîrozbahiya Newrozê bibin.&nbsp;

	&nbsp;

	Civîna çapemeniyê bi gerandina govendê bi dawî bû.&nbsp;

	&nbsp;