
Li Sirînê 1'emîn Komxebata Folklorî hat lidarxistin 

2021-02-24 16:57:03


	&nbsp;

	KOBANÊ - Partiya Sûriye Pêşerojê ya Kantona Kobanê 1'emîn Komxebata Folklorî bi dirûşmeya "Kevneşopiya me nasnemeya me ye, yekîtiya me çanda me dighîne hevdu û wekheviya gelan dîrok û pêşeroja me ye" li bajarokê Sirînê li dar xist.&nbsp;

	&nbsp;

	Partiya Sûriya Pêşerojê 1'emîn Komxebata Folklarî li bajarokê Sirînê yê Kantona Kobanê li dar xist. Komxebata folklorî li çand û hunera bajarokê Sirînê bi beşdarbûna komên çandî ji bajarên Reqa, Tebqa, Minbic, Kobanê û Sirînê hat çêkirin. Cihê komxebatê bi wêneyên Partiya Sûriye Pêşerojê û wêneyên şehdî Hevrîn Xelef hatibû xemlandin.

	&nbsp;

	Komxebat bi deqeyek rêzgirtin ji bo têkoşerên azadiyê dest pê kir, paşê Rêveberê Partiya Sûriye Pêşerojê ya Herêma Firatê Ismayîl Xalid axaftina vekirinê kir.&nbsp;

	Ismayil Xalid bal kişand ser li darxistina komxebata filklorî ku yekem care li Herêma Firatê tê çêkirin û ev tişt got: "Ji bo em xwedî li çanda xwe derkevin, me pêwîstî dît ku em komxebateke wisa li dar bixin. Armanca me ew e ku her çanda me zindî bimîne û hemû pêkhateyên Bakur û Rojhilatê Sûriyê bi çanda xwe re bijîn. Çalakiyên bi vî şêwazî pêwîst e her bên çêkirin."

	&nbsp;

	Paşê koma strana ya şehîd Xabûr a çand û hunera bajarokê Sirînê çend stranên filklorî pêşkêşkirin. Her wiha helbestvanên ku ji herêmên din tevlî komxebatê bûne helbestên xwe vegotin. Koma govendê ya Hêvî girêdayî çand û huneya Tebqayê govenda xwe lîstin. &nbsp;Koma govendê ya bi navê Qezafî &nbsp;girêdayî çand û hunera Sirînê govend gerandin. Paşê hin hunermend stranên xwe pêşkêş kirin.

	&nbsp;

	Komxebat bi gerandina govendê bi dawî bû.

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;