Hevdîtinên 'kampanyaya edaletê' ya jinên HDP'yî didomin  

2021-02-15 16:47:51


	 

	ENQERE- Meclîsa Jinê ya HDP'ê  di çarçoveya kampanyaya "Ji bo jinan edalet" de bi endamên Platforma Jinê ya Enqereyê hevdîtin pêk anî. 

	 

	Tevî Berdevka Meclîsa Jinê ya Partiya Demokratîk a Gelan (HDP) Ayşe Acar Başaran endamên koordînasyona jinê di çarçoveya kampanyaya "Ji bo jinan edalet" de li navenda HDP'ê bi endamên Platforma Jinê ya Enqereyê hevdîtin pêk anî. 

	 

	Di civînê de li ser têkoşîna hevpar a têkildarî 8'ê Adarê de nîqaş hatin kirin. Berdevka Meclîsa Jinê ya Partiya Demokratîk a Gelan (HDP) Ayşe Acar Başaran da zanîn li dijî têkoşîna jinê êriş hene û wiha got:"Jin mehkûmî xizaniyê tên kirin, mêr tundiyê li jinê dike. Peymana Stenbolê dikin hedef. Me jî li dijî vê bêedaletiyê kampanya da destpêkirin."

	 

	Ayşeyê da zanîn ku li dijî êrişên li ser têkoşîna jinê têkoşîna wan a bi Platforma Jinê ya Enqereyê bi nirx e. 

	 

	Ji Platforma Jinê ya Enqereyê Beste Uymaz da zanîn aliyê ku herî zêde bi bêedaletiyê rû bi rû tê hiştin jin in û got divê têkoşîna hevpar bê mezinkirin.