Rewşenbîrên Herêma Federal a Kurdistanê azadiya Abdullah Ocalan xwestin  

2021-02-12 15:23:31


	 

	 

	NAVENDA NÛÇEYAN - Ji hêla rewşenbîrên Ereb ve ji bo azadiya Rêberê PKK'ê Abdullah Ocalan kampanya îmzeyan hatibû destpêkirin û heta îro hezar û 250 rewşenbîrên Herêma Fedaral a Kurdistanê piştgirî dan kampanyayê. 

	 

	Komîteya "Azadî ji Ocalan" re ya ji rewşenbîrên Ereb pêk tê, di 1’ê mijdara 2020'î de ji bo Azadiya Rêberê PKK'ê Abdullah Ocalan kampanyaya îmzeyan dabûn destpêkirin. Çavlirêye ku kampanya bi 15’ê Sibatê roja Komploya Navnetewî ya dijî Abdullah Ocalan re bi encam bibe. Di çarçoveya kampanyayê de hezar îmze ji bo Herêma Federal a Kurdistanê weke hedef hatibû diyarkirin. Li gorî agahiyên ku ji Komîteya "Azadî ji Ocalan" re ya herêmê hatiye girtin, heta niha zêdeyî hezar û 250 îmze hatine komkirin.

	 

	Li gorî agahiyên ku ji Komîteya "Azadî ji Ocalan" re ya rewşenbîrên Ereb daye, wê îmzeyên hatine berhevkirin, pêşkêşê Sekreteriya Giştî ya Neteweyên Yekbûyî, Komîseriya Yekîtiya Ewropa û Komîseriya Yekîtiya Efrîqa û Sekreterya Giştî ya Yekîtiya Dewletên Ereban bikin.

	 

	Kampanya li piraniya welatên Ereb û Kurdistanê hat birêvebirin û divê çarçoveyê de rewşenbîr û akademîsyenên Iraqê jî bi rêya dîjîtal rasterast tevlî kampanyayê bûn.

	 

	Emaila ku îmze ji bo wê tê şandin wiha ye; https://www.ehamalat.com/Ar/sign_petitions.aspx?pid=1124