
'15 Sibatê wekî rojek reş di dîroka mirovahiyê de cih girt' 

2021-02-10 13:51:53


	&nbsp;

	&nbsp;

	HESEKÊ -Di salvegera 22'an a komploya navneteweyî ku di encamê de Rêberê PKK’ê Abdullah hate dîlgirtin, &nbsp;li Hesekê kon hate vedan.

	&nbsp;

	Bi armanca şermezarkirina komploya navneteweyî ya 15'ê Sibatê, Komîteya Çand û Hunera Kantona Hesekê, Ciwanên Şoreşger û Meclîsa bajarê Hesekê, li Daristina Rêberê PKK'ê Abdullah Ocalan a taxa Nasra li bajarê Hesekê kon vedan. Di konê çalakiyê de pêşengeha wêne û pirtûkên Rêberê PKK'ê Abdullah Ocalan hatibû amadekirin. Di roja yekemîn a çalakiyê de Rêxistina Kongreya Star, Meclîsa Malbatên Şehîdan beşdar bûn.

	&nbsp;

	'Bi têkoşîna xwe azadiya Rêber Apo mîsoger bikin'

	&nbsp;

	Piştî deqeyek rêzgirtin a ji bo cangoriyên azadiyê, Endama Komîteya Çand û Huner a Kantona Hesekê Efaf Hesekê roja 15'ê Sibatê wekî rojek reş a li ser tevahî gelê cihanê pênase kir û wiha pê de çû: "Armanca komployê rawestandina doza kurdî bû. Heya niha jî ev komplo bi êrîşên dewleta tirk ên li ser herêmên Bakur û Rojhilatê Sûriyeyê û Başûrê Kurdistanê dewam dike. Lê em dibêjin tu kes nikare roja me tarî bike. Em ê bi têkoşîna xwe azadiya Rêber Apo mîsoger bikin."

	&nbsp;

	'Bi berxwedana Rêber Apo komplo têk çû'

	&nbsp;

	Rêveberê Akademiya Şehîd Ezîz Elî jî &nbsp;wiha got: "Komploya li ser Rêber Apo li ser tevahî mirovahiyê ye, 15 sibatê wekî rojek reş a di dîroka mirovahiyê de cih girt û rastiya kiryarên qirêj ên dewletan derxist holê. Lê bi berxwedana Rêber Apo komplo têk çû. Em weke gel ji bo rizgariya Rêber Apo tucaran ranawestin em ê her têbikoşin."

	&nbsp;

	Hêjayî bibîrxistinê ye ku dê kon heya 14'ê Sibatê dewam bike.

	&nbsp;