
Li Mexmûrê daxuyaniya bîranînê!

2021-02-07 11:26:16


	&nbsp;

	MEXMUR - Li Mexmurê Asya Yuksel û Mehmet Tunç ji aliyê koma 26’mîn a greva birçîbunê ve bi daxuyaniyekê hatin bibîranîn.

	&nbsp;

	Ji aliyê koma 26’emîn a greva birçîbunê li Wargeha Penaberan a Şehîd Rustem Cudî (Mexmur) daxuyanyek hat dayîn. Daxuyanî bi boneya 5.mîn slavegera şehadeta Hevseroka Meclîsa Gel ya Cizrê Asya Yuksel û Mehmet Tunc hat dayîn. Li saziya Malbatên Şehîdan a Mexmurê di şexsê hemû şehîdên berxwedana xweseriya Demokratîk de bi giştî şehîdên şoreşa Kurdistanê bi daxuyaniyekê hatin bîranîn.&nbsp;

	&nbsp;

	Daxuyanî ji aliyê çalakvana greva birçîbunê Kajîn Ozek ve hat xwendin.&nbsp;

	&nbsp;

	Di daxuyaniyê de wiha hat gotin:”Weke hûn jî dizanin îro rejîma faşîst, qirker û dijminê gelan AKP-MHP ku hema li ber ketinê ne, bi her awayî êrîşî Gelê Kurd û hemû kesên azadîxwaz dike. Lê bi pêşengtiya Tevgera Azadiyê li hemberî wan êrîşan, Kurd û dostên wan li welat û derveyê welat di nava berxwedaniyek mezin de ne. Bi taybetî bi ragihandina pêngava “Bese ji dagirkerî û faşîzmê re” “Dem, dema azadiyê ye” ev berxwedan gihîştiye asteke din.

	&nbsp;

	Berxwedana bêhempa ya Rêber Apo a 21 salan ya li Îmraliyê, destanên ku gerîlayên azadiya Kurdistanê di şexsê Cenga Heftanînê de li çiyayên Kurdistanê li hemberî êrîşên dagirkeriyê afirandî, çalakiyên grevên birsîbûnê yên girtiyên PKK û PAJK li zindanan dayî destpêkirin, her wiha berxwedana Gelê Kurd li her çar parçeyên Kurdistanê û derveyî welat, çokên faşîstan lerizandiye û moral û hêviyek mezin ji bo gelên din ên azadîxwaz avakirine.

	&nbsp;

	Em berxwedanê silav dikin

	&nbsp;

	Em wek Koma 26’an a çalakiya greva birsîbûnê ya wargeha Mexmûrê, her dengê ku li hemberî rejîma faşîst û qirker ya AKP-MHP’ê bilind dibe bi nirx dibînîn. Weke tê zanîn li zanîngeha Bogazîçiyê xwendevanan li hemberî siyasetên zordar û qeyûm ên rejîma faşîst Erdogan û Bahçelî rabûn û tevî hemû êrîşan li ber xwe dan û li ber xwe didin. Em vê berxwedana wan silav dikin û dibêjin ku bi bilindkirina berxwedanê re em ê hemû gelên Tirkiyê, Rojhilata Navîn û mirovahiyê ji faşîzma Erdogan û Bahçelî yên ku bûne bela serê mirovahiyê rizgar bikin.

	&nbsp;

	Zilm nayê qebûlkirin

	&nbsp;

	Zilm û tecrîda ku di şexsê Rêber Apo de li ser Gelê Kurd, gelên Tirkiyê û hemû gelên bindest tê kirin nayê qebûlkirin. Em îro di çarçoveya pêngava “Dem, dema azadiyê ye” de ji bo şikandina tecrîdê û azadiya Rêber Apo di çalakiyê de ne. Bi vê minasebetê em berxwedana greva birçîbûnê ya hevalên me yên li girtîgehên Bakur û Tirkiyê û ya hevalên me yê Yewnanîstanê silav dikîn. 'Bi bilindkirina berxwedanê re, em ê bi Rêberê xwe re azad bijîn' , 'Em berxwedana gelê xwe silav dikîn' û serkeftinê dixwazîn.”

	&nbsp;

	Daxuyanî bi duruşmên :”Bijî Serok Apo” û “Bijî berxwedana zindanan” bi dawî bu.

	&nbsp;