
Komeleya Jinan a Starê: 24 kesî serî li me da

2021-01-19 17:09:32


	&nbsp;

	WAN - Komeleya Jinan a Starê ya Wanê rapora xwe ya xebatê ya sala 2020'î aşkera kir û diyar kir ku di nava salekê de 24 jinan serî li wan daye.&nbsp;

	&nbsp;

	Komeleya Jinan a Starê ya Wanê rapoara xwe ya xebatê ya sala 2020'î li avahiya komeleya xwe bi &nbsp;civîneke ku ji çapemeniyê re li dar xist aşkera kir. &nbsp;Rapor ji aliyê endama Komeleya Jinan a Starê &nbsp;Serpa Guveç ve hat xwendin. Aktîvîstên Tevgera Jinên Azad (TJA) û gelek jin tevli civînê bûn.&nbsp;

	&nbsp;

	Seroka Komeleyê Serap Guvenç, anî ziman ku ji bo rê li pêş tundiyê bê girtin, divê hemû rêxistin û saziyên civakî bi hev re têbikoşin û wiha got: "Di vê mijarê de roleke mezin dikeve ser medya. Di hin rêzefîlm û reklaman de tundî derdikeve pêş. Divê çapemeniya dîtbarî û nivîskî êdî dest ji vê edeta xwe berdin û tundiyê pêş nexin.&nbsp;

	&nbsp;

	'24 jinan serlêdan kir'

	&nbsp;

	&nbsp;Serap, destnîşan kir ku tundiya li dijî jinê &nbsp;li hemû cîhanê bûye pirsgirêkek sereke û wiha axivî: "Di sala 2020'an de 24 jinan serî li komeleya me dan û alîkarî xwestin. Me bi 55 jinan re hevdîtin kir. Me alîkarî û piştevaniya stargehê da 9 kesên ku jê 2 zarok û 3 &nbsp;ciwan bûn. Zarokan anîn ziman ku birayên wan û malbatên wan bi zorê wan didin zewicandin. Jin ji aliyê xizm û merivê xwe ve bi tundiyê re rû bi rû dimînin. Jin û zarok herî zêde bi tundiya derûnî re rû bi rû dimînin. Herî zêde gef li wan tê xwarin û biçûk tên xistin. Parêzerên komeleyê piştgiriya hiqûqî û derûnî bi dildarî dan jin û zarokan."&nbsp;