
Ciwanên şoreşger çalakiya xwe ya piştîvaniyê bi dawî kirin 

2021-01-19 13:06:22


	&nbsp;

	&nbsp;

	QAMIŞLO - Tevgera Jinên Ciwan û Tevgera Ciwanên Şoreşger çalakiya xwe ya greva birçîbûnê ku ji bo piştgiriya berxwedana zîndanan û rakirina tecrîda girankirî ya li ser Rêberê PKK’ê Abdullah Ocalan dabûn despêkirin, di roja 8’emîn de bi dawî kirin.

	&nbsp;

	&nbsp;Di 12’ê Çileyê de Jinên Ciwan û Tevgera Ciwanên Şoreşger bi armanca piştgiriya berxwedana zîndanan û rakirina tecrîda li ser Rêberê PKK'ê Jinên Ciwan û Tevgera Ciwanên Şoreşger dest bi greva birçîbûnê kiribûn. Piştî 8 rojan ciwanan çalakiya xwe bi dawî kirin. Konê çalakiyê li parka navenda Neteweyên Yekbûyî (NY) a taxa Siyahî li bajarê Qamişloyê hatibû vedan, her wiha rojane serdan û çalakiyên cur bi cur di bin kon de dihatin li darxstin. &nbsp;Di roja dawî de Meclîsa Bajarê Dêrikê yê Kantona Qamişlo serdana kon kir.&nbsp;

	&nbsp;

	Piştî deqeyek rêzgirtina ji bo pakrewanên azadiyê, axaftin hate kirin.&nbsp;

	&nbsp;

	Endamê Partiya Yekîtiya Demokratîk (PYD) a bajarê Dêrikê Hisên Mihmed berxwedana zîndanan silav kir û ev tişt got: ”Ev çend rojin ku hevalên me bi çalakiyên cur bi cur piştgiriya hevalên me yên di zîndanan de dikin. Em berxwedan û tekoşîna wan pîroz dibînin, êdî em ê her ji bo azadiya Rêberê xwe têbikoşin. Dewleta tirk ji bo ku îradeya me bişkîne hevalên me dîl digire û cezayên giran li wan dibire. &nbsp;Em dibêjin heta dawiyê em ê li ber xwe bidin.”

	&nbsp;

	Paşê li dengê girtiyên siyasî yên di girtîgehên dewleta tirk de hate guhdarkirin û soza bilindkirina têkoşînê hate dayin.

	&nbsp;

	Ciwanan çalakiya xwe bi dirûşma ”Berxwedan jiyan e” bi dawî kirin.

	&nbsp;