
Xelkê Şengalê 38 roj in berxwedana xwe didomînin  

2021-01-08 09:12:20


	&nbsp;

	&nbsp;

	ŞENGAL - Çalakiya xelkê Şengalê ya bi armanca piştgirîdayîna Asayişa Êzidxanê hatî destpêkirin, di roja xwe ya 38’ an de berdewam dike.

	&nbsp;

	Çalakiya ku 38 roj in li ber Navenda Asayîşa Êzidixanê bi dirûşma “Em hemû asayiş in” hatiye destpêkirin, dewam dike. Çalakiya ku li dijî Hevpeymana Bexda-Hewlêrê û her wiha ji bo xwedî li derketina li Asayişa Êzidîxanê hat destpêkirin bi serdanên şêniyên Şengalê ve didome. Xelkê Şengalê kom bi kom serdana konê berxwedanê dikin û pişgiriya xwe ya ji bo çalakiyê tînin ziman.

	&nbsp;

	Xelkê Şengalê heta niha gelek caran daxwazên xwe pêşkêşî hikûmeta Iraqê kirine, lê heya niha rayederên Iraqê bersivek erênî nedanê.&nbsp;