
TAJÊ bi minasebeta sala nû çûn serdana asayîşan 

2021-01-02 09:05:33


	&nbsp;

	Viyan Seid - Nesrîn Hûsin&nbsp;

	&nbsp;

	SENGAL - Endamên Tevgera Azadiya Jinên Êzidî bi minasebeta sala nû çûn serdana Asayîşên Xanesor, Behrewa, Sînûnê û Diholayê. Jinan di serdanan de wiha axivîn: "Heta niha me li hemberî dijmin serî netewand û niha şûnde jî em natewînin û dê serkeftin bibe ya me"

	&nbsp;

	Endamên Tegera Azadiya Jinên Êzidî (TAJÊ) di çarçoveya pîrozbahiya sala nû de duh çûn serdana Asayîşên Bajarok Xanesorê ya girêdayî Şengalê, Asayişa Behrewa, Sînûnê û Dihola. Li vir piştevaniya xwe anîn ziman. Endama TAJÊ Xoxê Cindî û Emşê Şengalî derbarê serdanên xwe de ji ajansa me re axivîn.&nbsp;

	&nbsp;

	Xoxê, bi pîrozkirina sala nû wiha dest bi axaftina xwe kir: "Em vê salê vê cejnê li tevahî êzidiyan, tevahî endamê asayişên YBŞ û YJŞ’a xwe piroz dikin. Em hêvî dikin ku ev sal ji bo tevahî gelên bindest bibe sala azadî û aramiyê. Her wiha taybet ji bo Şengala me bibe sala serkeftinê. Ev bû 7 sal rêxistina me ava bû, em ê vê rêxistina xwe bi zarokên xwe mezin bikin. Em ê di vê salê de kedeke mezintir bidin ku em xweseriya xwe bi destdixin û ta ku em ewlehiya Şengalê bi zarokên xwe fermî dikin. Heya niha me li hemberî dijminê serî netewand niha şûnde jî em natewînin, wê serkeftin bibe ya me.”

	&nbsp;

	Emşê jî di axaftina xwe de bal kişand ser hêviyên xwe ya sala nû û wiha got: "Em sala 2021’ê li Rêber Apo, tevahî êzidiyan, tevahî hêzên xwe pîroz dikin. Em bi hêvîne ku sala li pêşîya me bibe wesîleya serkeftina me. Sala 2020’ê bi berxwedan û kedeke mezin tejî bû lê ji bo em bigehijin serkeftinê. Em ê ji vî û şûnde heta serkeftinê bê navber têkoşîna xwe bidomînin. Em serî natewînin."

	&nbsp;