
Weqfa Jina Azad girtina Leyla Guven şermezar kir  

2020-12-27 16:32:20


	&nbsp;

	QAMIŞLO - Weqfa Jina Azad a Sûriyeyê, girtina Hevseroka KCD &nbsp;Lelya Guven bi daxuyaniyekê şermezar kir.

	&nbsp;

	Li dijî girtina Hevseroka Kongreya Civaka Demokratîk (KCD) Leyla Guven, Weqfa Jina Azad a Sûriyê daxuyanî da. Daxuyanî bi beşdarbûna hemû saziyên jinan yên girêdayî Weqfa Jina Azad û Qada Civakî li ber navenda Weqfa Jina Azad a Sûriyê hate dayin. &nbsp;Di daxuyeniyê de wêneyê Hevseroka KCD Lelya Guven hatin hildan. Daxuyanî ji aliyê Berdevka Qada Civakî ya Rojava Gulîstan Elî ve hate xwendin.

	&nbsp;

	Daxuyanî wiha ye:

	&nbsp;

	“Di dema ku hemû jin di nava tekoşîn û berxwedanê de ne, dewleta tirk êrîşî vîna jinan dike. Dewleta tirk bi siyaseta xwe ya qirêj li hember mafên jinan astengiyan derdixe û pêşengên şoreşa jinan hedef digire. Dixwaze bingeha ku civak li ser esasê wê xwe li ser piyan digre hilweşîne.&nbsp;

	&nbsp;

	Dewleta tirk careke din Hevseroka KCD Lelya Guven &nbsp;girt û 22 sal û 3 meh ceza lê birî. Ev pêkanînên li dijî Leyla Guven &nbsp;hemû pîvanên mirovahiyê ji holê radike. &nbsp;Ji ber ku Lelya Guven têkoşîna jinan temsîl dike, azadî û wekheviyê dixwaze. Em weke jinên Bakur û Rojhilatê Sûriyê hertim em ê di nava tekoşîn û berxwedanê de bin, heta azadiya hemû mirovên aşîtîxwaz pêk were. Leyla sembola &nbsp;têkoşînê ye.”

	&nbsp;

	Daxuyanî bi dirûşma “Jin jiyan azadî” bi dawî bû.

	&nbsp;