
TAJÊ girtina Leyla Guven şermezar kir  

2020-12-25 16:37:43


	&nbsp;

	NAVENDA NÛÇEYAN - TAJÊ bi daxuyaniyek nivîskî girtina Hevseroka KCD'ê Leyla Guven şermezar kir û got: "Xwestin bi girtina Leylayê pêşî li ber têkoşîna wê bigirin. Lê îrade û ruhê azad tucarî nayê girtin. Di dîrokê de çawa tu hêzên zalim û desthiladar nekarin pêş li têkoşîna azadiya gelan bigrin îro jî nikarin bigirin."&nbsp;

	&nbsp;

	Kordînasyona Tevgera Jinên Êzidî (TAJÊ), derbarê binçavkirina hevseroka Kongreya Civaka Demokratîk (KCD) Leyla Guven de daxuyaniyeke nivîskî weşandin. Di daxuyaniyê de hat diyar kirin &nbsp;

	&nbsp;

	Di daxuyaniya nivîskî de wiha hat gotin: "Wek tê zanîn ji aliyê dewleta faşîst ya dagirker ve careke din jina têkoşer û berxwedêr Leyla Guven hat girtin û cezayê zindanê lê hat birin. Dewleta faşîst xwe li ruhê azad û aştîxwaz ya jina kurd Leyla Guven negirt bi vê bûyera sosret ya ne hiqûqî bêçaretî û rû reşiya xwe raxist ber çavên hemû cîhanê.

	&nbsp;

	Leyla Guven sembola berxwedana jina kurd e û di heman wextê de dilsoz û şopdarê felsefa û fikirê rêber Apo ye. Ji bo azadiya rêber Apo ya fîzîkî û hemû girtiyên siyasi, bi fedekarî û îradeyek pir mezin 200 rojî li ber xwe dan. Piştî çalakiya xwe jî bi werektî û azweriyê ji bo aştî, yekitî û tifaqa navneteweyî kar û xebat meşand Leyla Guven ne tenê ji bo jina kurd ji bo hemû jinên cîhanê li hember cînsperezî, ne wekhevî û ne dadweriya dewlet û mêran li ber xwe da û xwedî li pirsgirêkên jin û civakê derket. Bi vê sekn û xebata xwe ji bo hemû jinan bû çavkaniya bawerî, wêrektî û moralê.&nbsp;

	&nbsp;

	Dilsozî û girêdaniya xwe ya bi gel re hêz û rêxistin ava kir. Ruhê Leyla Guven yê azad û berxwedêr tirs û xofek pir mezin xiste dilê dijmin û neyaran. Di şexsê jina kurd de Leyla Guven têkçûyîn û lewaziya xwe dîtin, ji bo wê xwe li hember ruhê wê yê aştixwaz negirtin, xistin zindanê. Ji ber ku dewleta faşîst a Tirkiyeyê aligirê şer, xwinrêji, qetlîam û fermana ne. Fêri kuştina jin, zarok, ixtiyar û ciwana bûye.

	&nbsp;

	Xwestin bi girtina Leylayê pêşî li ber têkoşîna wê bigirin. Lê îrade û ruhê azad tucarî nayê girtin. Di dîrokê de çawa tu hêzên zalim û desthiladar nekarin pêş li têkoşîna azadiya gelan bigrin îro jî dewleta faşist a qirker nikare pêşi li azadiya jina kurd û Gelê Kurd bigire. Hêj di roja despêkê de li her devera ku kurd û dostên xwe lê heye xwedî li jina kurd Leyla Guven derketin, dilsozî û girêdaniya xwe ji bo wê raber kirin. Yê tenê ma, rureş bûn jî hatin şermezarkirin û tewanbarkirin, dewleta faşîst a tirk bû. Dewleta faşîst a tirk ji aliyê wijdan û exlaqê mirovahiyê de ji roja despêkê hat darizandin û mehkumkirin.

	&nbsp;

	Têkoşîna jina kurd Leyla Guven bi serketiye û dijminê mirovahiyê têk çû ye. Dost û hevalbendên jina kurd Leyla Guven her diçe zêde dibin lê dost û hevalbenden dewleta faşî kêm dibin. Kîn û hêrsa jina kurd pir kûr û dirokî ye. Dijminê ku ji aştiyê û mirovahiyê fêm nake yê di nav hêrs û kîna jina kurd de bê fetisandin û tune kirin.&nbsp;

	&nbsp;

	Em dibêjin bijî berxwedana Leyla Guven, berxwedana Leyla Guven berxwedana hemû jinên kurd û yê cîhanê ne."

	&nbsp;