
Çeteyên dewleta tirk darên zeytûnan dibirin 

2020-12-16 11:12:54


	&nbsp;

	EFRÎN - Dewleta tirk û komên girêdayî wê ku Efrînê dagir kirine, darên zeytûn û merxê yên navçeya Mabeta û Şiyê yên Efrînê dibirin.&nbsp;

	&nbsp;

	Bi dagirkirina Herêma Efrînê re ji aliyê dewleta tirk û komên çeteyên girêdayî wê ve her roj guhertina demografîyê pêk tê. Li gor agahiyên ku hatine bidestxistin dewleta tirk û komên çete yên bi navê Sultan Mûrad û Mûntasir Bileh ku girêdayî wê ne &nbsp;li navçeya Mabeta û Şiyê yên Kantona Efrînê darên zeytûn û merxê dibirin.

	&nbsp;

	Her wiha ev komên çete bi awayek rojane li gundê Kaxirê, Mistaşûr, Rûta, Mîrkan û Şîtka ên girêdayî navçeya Mabeta û gundê Hec Qasima yê girêdayî navçeya Şiyê ya Efrînê darên zeytûn û merxê qut dikin.&nbsp;

	&nbsp;

	Hêjayî bibîrxistinê ye ku Rêxistina Mafên Mirovan a Efrînê kiryarên dewleta tirk û komên girêdayî wê &nbsp;li dijî xwezayê belge kirine. &nbsp;Li gor bilançoya sala 2020'an dewleta tirk û komên girêdayî wê zêdetirî 60 hezar darên zeytûn, merx û hinaran birîne.

	&nbsp;