
'Em ê tecrîdê bişkînin' 

2020-12-04 14:52:55


	&nbsp;

	STENBOL- Girtiyên di Girtîgeha Girtî ya Jinê ya Gebzeyê de anîn ziman ku gardiyan bi hinceta lêgerîna koguşê ew bi Vîrusa Koronayê xistine. Jinan gotin:"Em ê tecrîdê bişkînin."

	&nbsp;

	Girtiyên PKK û PAJK'î di 27'ê Mijdarê de li dijî tecrîda li ser Rêberê PKK'ê Abdullah Ocalan û binpêkirina mafên li girtîgehan dest bi greva birçîbûnê ya bêdem û dorveger kiribûn. Girtiyên di Girtîgeha Girtî ya Jinê ya Gebzeyê de bi rêya hevdîtina bi telefonê re ji malbatên xwe binpêkirina mafan a li girtîgehan ragihandin. Girtiyan diyar kirin ku ji ber Vîrusa Koronayê ew qadên hevpar nikarin bi kar bînin û têkiliya di navbera koguşan de jî tên astengkirin. Her wiha girtiyan diyar kirin ku bi biryara 2'yemîn Dadgeriya Cezayê Sulhê ya Kocaeliyê bi 4 koguşan de hatiye girtin û ev biserdegirtin bi komek ji 40 kesî pêk tê hatiye kirin.&nbsp;

	&nbsp;

	Dest xistin ser alavên taybet ên girtiyan

	&nbsp;

	Hat gotin di 27'ê Mijdarê de bi lêgerîna hatiye kirin dest xistine ser nîşeyên girtiyan ên taybet û alavên wan ên taybet. Her wiha tedbîrên ji bo pandemiyê jî nayên girtin. Hat diyarkirin dest xistine ser lênûska nîşeyê, album, rojnivîsk û pirtûkên girtiyên demek dirêj in di girtîgehan de ne.&nbsp;

	&nbsp;

	Girtiyan anîn ziman li ser hemû girtiyan geriyane. Her wiha du girtî bi vîrusê ketine. Her wiha dan zanîn dibe ku ew ji gardiyanan bi virûsê ketibin.&nbsp;

	&nbsp;

	'Em ê tecrîdê bişkînin'

	&nbsp;

	Girtî tînin ziman ku armanca biserdegirtina koguşan belavkirina Vîrusa Koronayê ye û ev banga kirin:"Em di nava pêvajoyeke pir zor û ne baş de ne. Em nikarin dengên xwe bidin bihîstin. Em ê vê tecrîdê bişkînin. Em ê bi ser bikevin. Em ê heta dawiyê greva birçîbûnê dewam bikin."

	&nbsp;

	&nbsp;