
Nûçegîhana me ya girtî Şehrîban: Min bêriya nivîsandina nûçeyan kiriye 

2020-11-27 14:06:18


	&nbsp;

	WAN - Nûçegîhana me ya girtî Şehrîban Abî bi nameya ji girtîgehê şand bal kişand ser binpêkirina mafên li girtîgeha ku lê tê girtin. Şehrîbanê di nameya xwe de wiha got:"Ez dixwazim vê gavê bêm gel we û min bêriya nivîsandina nûçeyan kiriye. Tebatî nayê min, ez dixwazim vê gavê nûçeyan binivîsim."

	&nbsp;

	Di çarçoveya lêpirsîna Serdozgeriya Komarê ya Wanê di 6'ê Cotmehê de dest pê kiribû de nûçegîhana me Şehrîban Abî bi du hempîşeyên xwe hatibû binçavkirin. Şehrîban Abî û Nazan Sala ji Girtîgeha Girtî ya Tîpa T a Wanê ya lê tên girtin name ji ajansa me re şandin. Şehrîbanê di nameya xwe de anî ziman ku tevî pandemiyê ew di koguşekê de 12 kes dimînin û da zanîn ku Rojnameya Yenî Yaşamê nadin wan. Şehrîbanê da zanîn ku ji ber vê yekê wan daxwazname ji îdareya girtîgehê re şandine û hîn bûne ku rêveberiya girtîgehê Rojnameya Yenî Yaşamê naynin kantînê.&nbsp;

	&nbsp;

	Pirsgirêka klozeta seyar

	&nbsp;

	Her wiha Şehrîbanê da zanîn ku Nazan Sala ji ber emeliyata berê ya nigê xwe zehmetiyan dibîne û wiha got:"Ji bo hevala me Nazanê me klozeta seyar xwest lê tevî rapor hene jî nedan. Pirsgirêka destavê heye."

	&nbsp;

	Peyama Şehrîbanê ya ji bo hempîşeyên wê&nbsp;

	&nbsp;

	Şehrîbanê ji bo hempîşeyên xwe jî peyama "Ez dixwazim vê gavê bêm gel we û min bêriya nivîsandina nûçeyan kiriye. Tebatî nayê min, ez dixwazim vê gavê nûçeyan binivîsim" şand.&nbsp;

	&nbsp;