Li bajarên kurdan di 4 salan de 956 kesî întîhar kiriye 

2020-11-18 15:00:04


	 

	NAVENDA NÛÇEYAN - Li gorî xebata ku ji aliyê Navenda Lêkolînên Civakî-Polîtîk ên Qadê ve li gorî daneyên ku ji TUÎK'ê  hatine girin hat kirin, di navbera salên 2015-2019'an de li bajarên kurdan 2 û 956 kesî întîhar kiriye. Bajarê ku herî zêde lê bûyerên întîharê pêk hatine jî Ameda ku 370 kesî lê întîhar kiriye ye.

	 

	Navenda Lêkolînên Civakî-Polîtîk ên Qadê, li ser daneyên Saziya Statîskan a Tirkiyeyê (TUÎK) ên di navbera sala 2015-2019’an de xebatek meşand û daneyên întîharê û sedemên wan berhev kir. Navendê vê xebata xwe weke raporeke li ser malpera xwe weşand. Li gorî vê xebatê bûyerên întiharê herî zêde di nav zilam de pêk hatine. Herî zêde jî ciwan û zarokan xwe întîhar kiriye. Li gel bûyerên întiharê di nav salan de kêm bûne jî di sala 2018’an de careke din zêde bûne. Sedemên piraniya întiharan jî kar û pirsgirêkên debarê ne. 

	 

	Bi hezaran kesî întîhar kiriye

	 

	Li gorî raporê, di navbera salên 2015-2019’an de 12 hezar û 384 kes jê zilam û 3 hezar û 971 kes jê  jî jin bi giştî 16 hezar û 355 kesan întihar kiriye. Li gorî daneyên raporê ku daneyên fermî ne, bajarên herî zêde întihar li wan pêk hatine, Stenbol (2370), Îzmîr (1063), Enqere (1001) ne. Li gorî rûberîhevkirina gelheya bajaran, bajarên ku herî zêde bûyerên întîharê li wan çêbûne, Dersim, Erdexan, Bûrdûr, Aydin û Edîrne ne. 

	 

	Bajarên Kurdistanê

	 

	Li bajarên bakurê Kurdistanê jî bajarên ku herî zêde bûyerên întiharê li wan çêbûne, Amed (370), Dîlok (351) û Riha (284) ne.