Konferansa Ciwanên Şoreşger bi dawî bû 

2020-11-07 08:44:37


	 

	ŞEHBA - 2'yemîn Konferansa Tevgera Ciwanên Şoreşger bi biryarên girîng bi dawî bû.

	 

	2'yemîn Konferansa Tevgera Ciwanên Şoreşger ku bi dirûşma "Dem dema azadiyê ye em ê teqez bi ser bikevin" bi tevlîbûna 500 delegeyan û bi tevlîbûna nûnerên Kongreya Star, Meclîsa Malbatên Şehîdan, Meclîsa Kantona Şehba û Efrînê dest pê kiribû, bi biryarên girîng bi dawî bû.

	 

	Konferans piştî xwendina perspektifên Rêberê PKK'ê Abdullah Ocalan, rapora du salan a Tevgera Ciwanên Şoreşger a ji aliyê Hevserokê Desteya Werzîş û Ciwanan Mihemed Weysî ve hate xwendin. Paşê rêziknameya Ciwanên Şoreşger ji aliyê Rêveberiyê Meclîsa Tevgera Ciwanên Şoreşger ên Sûriyeyê Necî Selemê ve hate xwendin. 

	 

	Paşê rêziknameya hundirîn a Tevgera Ciwanên Şoreşger ên Sûriyeyê ya herêma Efrînê, ji aliyê Rêveberiyê Meclîsa Tevgera Ciwanên Şoreşger ên Sûriyeyê Necî Selemê ve hate xwendin. 

	 

	Biryarên ku di konferansê de hatine girtin wiha ne: 

	 

	*Domandina têkoşîna li dijî tecrîda girankirî ya li ser Rêberê PKK'ê Abdullah Ocalan û heta rizgariya wî. 

	 

	*Bi fikir û felsefeya netewa demokratîk domandina xebat û têkoşînê.

	 

	*Domandina pêngavên ciwanan û jinên ciwan a di warê rêxistin û zanebûnê de.

	 

	*Çalakkirina rola xwendevanan di aliyê pêşengtiyê de.

	 

	Herî dawî 26 kes ji bo meclîsê hatin hilbijartin, ji wan Zelal Abdo û Ciwan Hiso wek Hevserokên Meclîsê hatin hilbijartin. Kesên ku hatin hilbijartin soza xwe dan.