
TJA'yê ji bo Ayşe Gokkan daxuyanî da 

2020-10-30 15:13:27


	&nbsp;

	AMED/ŞIRNEX -TJA'yê bi daxuyaniyeke hevpar li Amed û Şirnexê bertek nîşanî binçavkirina Berdevka Demî ya TJA'yê Ayşe Gokkan da û anî ziman ku divê demildest Ayşe bê berdan.&nbsp;

	&nbsp;

	Tevgera Jinên Azad (TJA), &nbsp;têkildarî binçavkirina Berdevka Demî ya TJA'yê Ayşe Gokkan li Amed û Şirnexê daxuyaniya hevpar weşand. Di daxuyaniyê de hat ragihandin ku bi zextan ew ê têkoşîna jinê neyê rawestandin.&nbsp;

	&nbsp;

	Tevgera Jinên Azad (TJA), &nbsp;têkildarî binçavkirina Berdevka Demî ya TJA'yê Ayşe Gokkan li ber avahiya HDP’ê ya navçeya Silopiyê daxuyaniyê da. Parlamentera HDP’ê ya Şirnexê Nuran Îmîr, aktîvîstên TJA û Dayikên Aştiyê tevlî daxuyaniyê bûn. Aktivîsta TJA’yê Leyla Aykal daxuyanî xwend. &nbsp;Leyla anî ziman ku ji 14’ê Tirmehê vir de Ayşe du caran hatiye binçavkirin û gelek dosyeyên wê hene.

	&nbsp;

	Daxuyaniya hevpar wiha ye:

	&nbsp;

	"Zexta li ser Ayşe Gokkan careke din nîşan daye ku polîtikayên dijminatiya jinê dike yên zihniyeta baviksalarî dewam dike. Zihniyeta zayendperst, faşîst, mîlîtarîst dixwaze têkoşîna me krîmînalîze bike û têkoşîna me têk bibe. Qayimên hatine tayinkirin, êrîşên li ser pergala hevserokatiyê, Peymana Stenbolê û xespkirina mafê nafakayê êrîşên li dijî îradeya jinê ne.&nbsp;

	&nbsp;

	Hû nikarin têkoşîna me ya jinê asteng bikin

	&nbsp;

	Em careke din bang li îktidara AKP-MHP'ê ya dixwaze jin tenê di malê de bimîne û em dibêjin; Em serî li dijî polîtikayên dijminatiya jinê dikin natewînin. Em ji kesên me tune dihesibînin dibêjin têkoşîna me tu carî têk naçe. Kesên dibêjin qey ew ê têkoşîna me ya jinê têk bibin xwe dixapînin. Bi binçavkirin û girtinan jin nayên sekinandin. Hû nikarin têkoşîna me ya jinê asteng bikin.

	&nbsp;

	Em ê tu carî dev jê bernedin

	&nbsp;

	Em ê tu carî gav ji têkoşîna xwe ya jinê paşde neavêjin. Me peyama we girt û em jî dibêjin ku kuçe yên me ne têkoşîn a me ye. Em wekî bermahiyên gotina 'Jiyan serîhildan e' dikin, em dibêjin em ê bi kampanyaya xwe ya 'Em Xwe Diparêzin' bersiva xwe bidin. Di şexsê Ayşe de têkoşîna jinên di bin çavan de têkoşîna me ye jî. Em ê tu carî dev jê bernedin.

	&nbsp;

	Bila Ayşe Gokkan a ku bi awayekî nehiqûqî hat binçavkirin bila demildest bê berdan."

	&nbsp;

	&nbsp;

	&nbsp;

	&nbsp;

	&nbsp;&nbsp; &nbsp;&nbsp;

	&nbsp;