
Şêniyên Reqayê ji bo Hevrîn Xelef meşiyan  

2020-10-15 15:45:21


	&nbsp;

	REQA - Ji bo bîranîna salvegera yekemîn a &nbsp;sekretera giştî ya Partiya Pêşerojê ya Sûriyê Hevrîn Xelef bi sedan şêniyên bajarê Reqayê bi dirûşma “Tunekirina dagirkeriyê têkoşîna ji bo aştiyê” daketin qadan.

	&nbsp;

	Li ser bangewaziya Partiya Pêşerojê ya Sûriyê bi hezaran şêniyên bajarê Reqayê û gundewarên wê, endamên meclisên herêmî, endamên Rêveberiya Jinan a Reqayê, endamên Meclisa Sivîl a Reqayê û rûspiyên Reqayê meşiyan.

	&nbsp;

	Xwepêşendanan li qada Itfaiyê ya li bajêr kom bûn. Wêneyên Hevrîn Xelef, têkoşer Ferhad Remedan, alên Partiya Pêşeroja Sûriyê û pankartên “Na ji dagirkeriya tirk re li Bakur û Rojhilatê Sûriyeyê”, “Em dagirkeriyê tune bikin û şoreşê biparêzin” û “Bi vîna jinên azad em ê dagirkeriyê tune bikin” hildan.

	&nbsp;

	Meş li ber Parka Şehîd Hevrîn Xelef rawestiya û veguherî mitîngê. Di mitîngê de endama Partiya Pêşerojê ya Sûriyê Rîm El-Musa li ser navê partiyê şaxê Reqayê daxuyanî da.

	&nbsp;

	Di daxuyaniyê de hate destnîşankirin ku sekretera giştî ya partiyê Hevrîn Xelef di encama kemîna çeteyan de û plana dewleta tirk de hate şehîdxistin û hezkiriyên partiyê û şêniyên Reqayê vê kiryarê şermezar dikin. Di berdewama daxuyaniyê de helwestên rêxistinên mirovî û hiqûqî ya li hemberî doza Hevrîn Xelef hate şermezarkirin û banga darizandina sûcdaran hate kirin.

	&nbsp;

	Di dawiya daxuyaniyê de soza şopandina rêya şehîdan heta avakirina Sûriyeya pirreng, demokratîk û nanavendî hate dayîn.

	&nbsp;

	Meş bi berzkirina dirûşman bi dawî bû.&nbsp;

	&nbsp;