2’emîn Konferansa Kongreya Star a Kantona Qamişloyê bi dawî bû 

2020-09-20 17:38:25


	 

	QAMIŞLO - Kongreya Star a kantona Qamişloyê 2'emîn Konferansa xwe bi dirûşma “Bi tekoşîna Hevrîn û Zehreyan em ê dagirkeriyê birûxînin şoreşa jinê misoger bikin” li bajarokê Rîmelan ê Girikêlgê ku da destpêkirin bi dawî kir. 

	 

	2’emîn Konferansa Kongreya Star a Kantona Qamişloyê bi dirûşma “Bi tekoşîna Hevrîn û Zehreyan em ê dagirkeriyê têk bibin şoreşa jinê misoger bikin” li bajarokê Rimêlanê yê navçeya Girkêlegê ku girêdayî Kantona Qamişloyê ye da destpêkirin bi avakirina meclisê û bi biryarên girîng bi dawî kir. Konferans li Navenda Çand û Hunerê ya Aram Tîkran bi tevlîbûna 120 delegeyi ji tevahî sazî û rêxistinên jinan yên ku di bin sîwana Kongreya Star de ne hat lidarxistin. 

	 

	Piştî konferans bi dawî bû rapora du salan ji aliyê Rêvebera Kongreya Star a Kantona Qamişloyê Ibtîsam El-Huseyîn ve hate xwendin. Her wiha piştî raporê li ser rewşa jinê, kar û xebatên du salan nirxandin hat kirin.

	 

	Biryarên ku di konferansê de hatine girtin wiha ne:

	 

	*"Ji bo azadiya Rêberê PKK'ê Abdullah Ocalan pilanên girîng werin girtin.

	 

	*Ji bo azadiya Rêberê PKK'ê Abdulluh Ocalan û şikandina tecrîdê berxwedan û têkoşînek bê hempa divê bê meşandin. 

	*Perwerdekirina civakê li ser  paradigmaya Rêberê PKK'ê Abdullah Ocalan ku demokrasî, ekolojî û azadiya jinê bingeh digiri, kampanyayek bê destpêkirin.

	 

	*Aktîfkirina komîn û meclîsan li ser bingeha paradigmaya netewa demokratîk ku xwe dispêre fikir û ramanê Rêberê PKK'ê Abdullah Ocalan divê bê kirin. 

	 

	*Berdewamkirina perwerdeyên bîrdozî ji bo hevalên jin û mêr.

	 

	*Hemû rêveberiyên ku hatine hilbijartin dê bên perwerdekirin.

	 

	*Li ser guhertin û veguhertina zêhniyeta mêran perwerdeyên taybet werin dayîn.

	 

	*Li gorî taybetmendiyên kar perwerde bên dayîn.

	 

	*Ji bo xaka ku hatiye dagirkirin mîna Efrîn, Serekaniyê û Girêspî çalakî bên li darxistin.

	 

	*Li ser esasê Şerê Gel ê Şoreşgerî bi pêşengtiya jinan dê amadekarî bê kirin.

	 

	*Li dijî tundiya li ser jinê çalakiyên cur bi cur dê bên lidarxistin.

	 

	*Li hemberî şerê taybet mîna sixurtî, madeyên hişbir û fihuşê  têkoşînek bê hempa dê bê meşandin.

	 

	*Rêxistinkirina civakê li ser esasê xurtkirina parastina xwe ya cewherî dê bê kirin.

	 

	*Hemû komîteyên Kongreya Star ji rêxistinkirina komun û kantonan berpirsiyar in." 

	 

	Piştî niqaşan 5 kes ji bo rêveberiya Kongreya Star a Kantona Qamişloyê hatin hilbijartin. Kesên ku hatine hilbijartin navê wan wiha ye: Şaha Xelîl, Kulîstan Gulo, Ibtîsam El-Husn, Xufran Kewkeb û Sena Xelîl.

	 

	Konferans bi dirûşma "Jin jiyan azadî" bi dawî bû.