
Li Farqînê li dijî kuştina jinan daxuyanî hat dayîn 

2020-09-14 14:00:18


	&nbsp;

	AMED - Meclîsa Jinan a HDP'ê ya Farqîna Amedê li dijî kuştina jinan li ber avahiya partiyê daxuyaniyek dan çapemeniyê. Di daxuyaniyê de hat gotin: "Em desthilatdariya AKP-MHP'ê hişyar dikin û dibêjin ku dawî li şîdet û kuştina jinan bînin."

	&nbsp;

	Meclîsa Jinan a Partiya Demokratîk a Gelan (HDP) yê navçeya Farqînê li dijî kuştina jinan daxuyaniyekê dan çapemeniyê. Endam û rêveberên Partiya Herêmên Demokratîk (DBP), aktîvistên Tevgera Jinên Azad (TJA) û jinên Farqînê tevlî daxuyaniyê bûn. Daxuyanî ji hêla hevseroka HDP'ê ya Farqînê Halîme Soner ve li ber avahiya HDP'ê ya navçeyê hat xwendin.&nbsp;

	&nbsp;

	Halîme da zanîn ku di demên dawiyê de hêjmara kuştinên jinan zêde bûye û got: "Em di heremên wekê Amed, Êlih, Mêrdîn, Agirî de her roj kuştina jinan re dibin şahîd. Herî dawiyê li navçeya Farqînê de zarokekî 16 salî û jinekê ciwan a 18 salî jiyana xwe ji dest dan. Van kuştinan ji ber encamên polîtîkayên desthilatdariya AKP-MHP'ê pêk tê."&nbsp;

	&nbsp;

	Halîme diyar kir ku heta kuştina jinan bi dawî bibe wê bitêkoşin û wiha axivî: " Erka dewlet û desthilatdarê ew e ku divê pêşî li ber kuştina jinan bigire û jinê di her qadên jiyanê de bi hêz bike. Em desthilatdariya AKP-MHP'Ê hişyar dikin ku êdî bila tundî, kuştin û zordariya li ser jinê bidin sekinandin. Em kesên ku dibin sedema kuştina jinan bi tundî şermezar dikin."

	&nbsp;