
1'emîn Konferansa Tenduristiya Jinê dest pê kir  

2020-09-11 12:50:11


	&nbsp;

	QAMIŞLO - Bi dirûşmeya "Jina bi tendurist, çavkanî û hêza jiyana bi tendursite" 1'emîn Konferansa Tenduristiya Jinê dest pê kir.&nbsp;

	&nbsp;

	1'emîn Konferansa Tenduristiya Jinê bi dirûşmeya "Jina bi tendurist, çavkanî û hêza jiyana bi tendursite" bi tevlîbûna 127 delegeyan li Navenda Çand û Hunera Aram Tîgran a navçeya Rumelan ya girêdayî Kantona Qamişloyê dest pê kir. Hola konferansê bi wêneyên Rêberê PKK'ê Abdullah Ocalan û pakrewanên azadiyê hatibû xemilandin. Konferans bi deqeyek rêzigirtin ji bo pakrewanên azadiyê dest pê kir.&nbsp;

	&nbsp;

	Piştre jî Cigîra Meclîsa Bakur û Rojhilatê Sûriyeyê Emîne Osê konferansa yekem a tenduristiya jin li tevahî jinan pîroz kir û got: "Niha Rojhilata Navîn û di nav de jî welatê Sûriyeyê di qeyranek pir mezin re derbas dibin. Gelê Sûriyeyê ji bo azadî, edalet û çareserkirina pirskirêkan herdem amadene. Projeya Rêveberiya Xweser çavkaniya çareseriyêye.&nbsp;

	&nbsp;

	Îro dewleta tirk di hemû waran de êrîşê me dike, lê berxwedana gel êrîşên dewleta tirk vala derdixîne. Gel bi baweriya yekitiyê welatê xwe û mirovên xwe diparêzin. Şoreşa Bakur û Rojhilatê Sûriyeyê roja îro jî bê navber berdewam dike û gelê me her roj pêşketinên nû di pergala xwe de ava dikin û bingeha netewa demokratîk ji xwe re esas digirin. Ruhê şoreşê ji Kobanê dest pê kir û li tevahî Bakur û Rojhilatê Sûriyeyê belav bû. Em li ser bingeha wekheviya gelan û jiyana hevbeş berxwedaniya xwe mezin dikin."

	&nbsp;

	Piştî axaftinan ji bo dîwanê 5 kes hatin hilbijartin. Her wiha perspektîfa Rêberê PKK'ê Abdullah Ocalan ji aliyê Komîteya Amadekariya Tenduristiya Jin Eyşê Elî ve hat xwendin.&nbsp;

	&nbsp;

	Konferans bi guftugohan û xwendina raporan dewam dike.

	&nbsp;