
Ne kesên Buşrayê revandin daxuyaniya wê ket ber lêpirsînê 

2020-09-09 12:57:30


	&nbsp;

	WAN - Daxuyaniya ku Endama Meclisa Partiyê ya HDP'ê &nbsp;Hatice Büşra Kuyun, derbarê revandina xwe de da ket ber lêpirsînê. &nbsp;Lêpirsîna ku hat destpêkirin veguherandin dozê.

	&nbsp;

	Endama Meclisa Partiyê (PM) û Lîjneya Birêvebirinê ya Ciwanan (GYK) a HDP’ê Hatîce Buşra Kûyûn, di 4’ê gulanê de li ser Kolana Mereşê ya Wanê ji aliyê kesên ku xwe weke polis dabûn nasîn ve hatibû revandin û gef lê hatibû xwarin. Bi hinceta daxuyaniyên wê yên derbarê mijarê de doz li &nbsp;Buşrayê hat vekirin. Îdanameya &nbsp;ku derbarê Buşrayê de bi angaşta “Sewqkirina gel a kîn û dijminahiyê” ji aliyê Serdzogeriya Komarê ya Wanê ve hat amadekirin, ji aliyê 7’emîn Dadgeha Cezaya Giran a Wanê ve hat qebûlkirin.

	&nbsp;

	Vegotina bûyerê sûc dîtin&nbsp;

	&nbsp;

	Di îdanameyê de hat destnîşankirin ku Buşrayê ji aliyê kesên nasnameya wan ne diyar ve hatiye revandin, kesên ku Buşrayê revandin peywirdarên cemaweriyê ne û Bûşrayê gilî li wan kiriye. Di îdanameyê de qala hûrgiliyên kêliya revandinê nehatiye kirin û cih ji daxuyaniyên Buşra, “Em vê zihniyete ji salên 1990’î ve nas dikin. Tişta tenê guheriye wesayîtên Toros in. Ji wê rojê ve heta niha li ser kurdan, ciwan û jinên wan operasyonên qirkirina siyasî tên domandin. ” ên piştî bûyerê re hatiye veqetandin û weke sûc hatine hesibandin.&nbsp;

	&nbsp;

	Li aliyê din balkêş e heta niha derbarê kesên ku Buşrayê revandin ve tu lêpirsîn nehatiye destpêkirin.&nbsp;

	&nbsp;