
Bernameya 1'ê Îlonê ya Stenbol û Edeneyê hat aşkerakirin 

2020-08-28 17:49:34


	&nbsp;

	STENBOL / EDENE - Bi minasebeta 1'ê Îlonê Hêzên ked, aştî û demokrasiyê yên Stenbol û Edeneyê civîn li dar xistin û bernameya xwe aşkera kirin.

	&nbsp;

	Hêzên Ked, Aştî û Demokrasiyê yên Stenbolê li avahiya Şaxa Egîtîm Senê ya Şîşlî ya Stenbolê civîna çapemeniyê li dar xistin û bernameya 1’ê Îlonê Roja Aştiya Cîhanê eşkere kirin. Rêxistina HDP’ê ya Edeneyê jî bernameya 1’ê Îlonê Roja Aştiyê ya Cîhanê li avahiya xwe eşkere kir.

	&nbsp;

	Stenbolê banga tevlîbûnê hat kirin

	&nbsp;

	Hêzên Ked, Aştî û Demokrasiyê yên Stenbolê li avahiya Şaxa Egîtîm Senê ya Şîşlî ya Stenbolê civîna çapemeniyê li dar xistin û bernameya 1’ê Îlonê Roja Aştiya Cîhanê eşkere kirin. Berdevka Demî ya Hêzên Ked, Aştî û Demokrasiyê ya Stenbolê Beyzade Sayin axivî û destpêka axaftina xwe de parêzer Ebrû Tîmtîk a di rojiya mirinê de bû jiyana xwe ji dest da bibîr anî û got ji bo parêzer Aytaç Unsal biryara berdanê were dayîn.&nbsp;

	&nbsp;

	Beyzade destnîşan kir ku şerê diqewime bandorek neyînî li ser feqîr û kedkaran dike û her ku şer kûr dibe bandorek neyînî li ser civakê dike û wiha got: "Ji bo şer bi dawî bibe pêdivî bi têkoşîna wekhevî, azadî û aştiyê heye û ew carek din aştiyê qîr dikin. Em ê di 1’ê Îlonê de li ber Îskeleya Kadikoy-Beşîktaşê saet di 18.30’an de çalakiyê li dar bixin û her kesî vexwen çalakiya roja aştiyê.&nbsp;

	&nbsp;

	Li Edeneyê daxuyanî hat dayîn

	&nbsp;

	Rêxistina HDP’ê ya Edeneyê jî bernameya 1’ê Îlonê Roja Aştiyê ya Cîhanê li avahiya xwe eşkere kir. Cîgira Serokê Koma HDP’ê Meral Daniş Beştaş û rêveberên HDP’ê beşdar bûn. Di civînê de hat diyarkirin ku wê çalakiya li Edeneyê li Taşkopru ji aliyê Hêzên Ked, Aştî û Demokrasiyê yên Edeneyê ve saet di 17.30’an de bê lidarxistin û banga vê çalakiyê hat kirin.&nbsp;

	&nbsp;

	Meral Daniş Beştaş diyar kir ku aştî pêdiviya vî welatî ye û îqtîdar bi şer dixwaze muxalefetê lawaz bike û zextan li ser muxalefetê dike û wiha axivî: "Heta kêşeya kurd çareser nebe li Tirkiyê kêşeya demokrasiyê dê neyê çareserkirin û butçeya vî welatî hemû ji şer re tê xerckirin."

	&nbsp;