
'Divê Musa Orhan demildest bê girtin'

2020-08-27 16:14:53


	&nbsp;

	STENBOL - Rêxistina HDP'ê ya Navçeya Fatîhê, got ku divê çawîşê pispor Musa Orhan ê ku tecwizî Îpek Er kir û bû sedema mirina wê demildest bê girtin û got, "Edalet hêza jinan ya li kolana ye. Divê Musa Orhan demildest bê girtin."

	&nbsp;

	Rêxistina Partiya Demokratîk a Gelan (HDP) ya Navçeya Fatîh a Stenbolê tehliyekirina çawîşê pispor Musa Orhan ê ku tecwizî Îpek Er kir û bû sedema mirina wê de li ber avahiya xwe bi daxûyaniyekê şermezar kir. Di daxuyaniyê pankarta bi diruşma. "Tecawizkar neparêze kesa bi tecawizê re rûbirû ma biparêze" hat vekirin û gelek kes tevli daxuyaniyê bûn. &nbsp;&nbsp;

	&nbsp;

	'Hêza jinan û têkoşîna wan hedef tê girtin'

	&nbsp;

	Di daxuyaniya ku ji aliyê hevseroka navçeyê ya HDP'ê Seyrî Îpek ve hat xwendin de hat diyarkirin ku mêrên li hember jinan sûc dikin ji aliyê dewletê ve serbest tên berdan û bi vê jî têkoşîn û hêza jinan hedef tê girtin.

	&nbsp;

	'Zîhniyeta dewleta mêr tahliye dike'

	&nbsp;

	Seyrî diyar kir ku tehliyekirina bersûcên êrîşa zayendî hovîtî ye û wiha berdewam kir, "Zîhniyeta ku Musa Orhan tahliye kir, zîhniyeta dewleta mêr e. Erka îqtîdarê ne parastina çawîşê pispor ê tecawiz kar e, erka wê têkoşîna bi tundiyê re ya li hember jinê ye. &nbsp;Divê zîhniyeta hiqûqa ku hêza xwe ji îqtîdarê digire û tecawizkaran tehliye dike bê bidawîkirin."

	&nbsp;

	'Bila Musa Orhan bê girtin'

	&nbsp;

	Seyrî wiha berdewam kir, "Em li dijî tehliyekirina tecawizkar Musa Orhan ê ku bû sedema mirina Îpekê, qetilkirina Fatma Altinmakas û qetilkirina gelek jinên din dibêjin, edalet hêza jinê ya li kolanê ye, bila Musa Orhan bê girtin."

	&nbsp;

	&nbsp;

	&nbsp;