Parêzerên Îpek Er giliyê Mûsa Orhan kirin 2020-08-24 16:38:27   AMED - Parêzerên malbata Îpek Er ji ber ku Mûsa Orhan bû sedemê întîhara Îpek Er derbarê wî de li Serdozgeriya Komarê ya Êlihê gilî kir.    Çawişê Pispor Mûsa Orhan yê li Sêrtê wezîfe dikir desdirêjî Îpek Er (18) a li gundê Hemdûna Qûbîna Êlihê dimîne kiribû. Îpek di 16’ê tîrmehê de ji ber vê sedema destdirêjiyê hewl da xwe bikuje. Îpek 34 rojan di 18’ê tebaxê de li nexweşxaneyek taybet a Êlihê dihat tedawîkirin jiyana xwe ji dest da. Parêzerên malbata Îpek, derbarê Mûsa Orhan ku sûcê “êrişa bi wesf a zayendî kiriye” kiriye gilî kir û xwest were darizandin. Gilî bi îmzeya 11 parêzeran pêk hat û serî li Serdozgeriya Komarê ya Êlihê dan. Parêzeran got Mûsa Orhan di heman demê de sûcê ku Îpek Er biriye întîharê jî kiriye.    Her wiha parêzeran ragihand ku ew ê derbarê wan polîsên ku merasîma cenazeyê Îpek Er asteng kirine jî gilî bikin.