Şande ji bo siberojê bi çepgiran re hevdîtin pêk anî 

2020-08-22 15:14:47


	 

	ÎZMÎR - Şandeya KCD’ê, HDK, DBP’ê û HDP’ê li Îzmîrê bi partî û rêxistinên çepgir re hevdîtin pêk anî. 

	 

	Hevseroka Kongreya Civaka Demokratîk (KCD) Leyla Guven, Hevserokê Giştî yê Partiya Herêmên Demokratîk (DBP) Keskîn Bayindir, Hevberdevkê Kongreya Demokratîk a Gelan (HDK) ê Îzmîrê Mehmet Sabrî Gul, Parlamentera Partiya Demokartîk a Gelan ( HDP) ya Mêrdînê Pero Dundar, Parlamenterê HDP’ê yê Êlihê Necdet Îpekyuz li Îzmîrê bi nûnerên partî û rêxistinên çepgir û hevdîtin pêk anîn. 

	 

	Nûner û rêveberên Komunîst Koz, Federasyona Meclîsên Sosyalîst, Yekîtiya Têkoşînê (Mucadele Bîrlîgî), Partiya Karkeran a Tirkiyê (TÎP), Partiya Kesk û Çep, Partiya Azadiya Civakî, Kaldiraç, Partiya Çep, Partiya Sosyalîst a Bindestan (ESP), Partiya Şoreşger û Partiya Ji Nûve Avakirina Sosyalîst beşdarî hevdîtinê bûn. 

	 

	Hevdîtin ji çapemeniyê re girtî pêk hat û hat diyarkirin ku di hevdîtinê de li ser mijarên polîtîk, mijarên di rojevê de û xeta têkoşînê ya siberojê hat axaftin.