
Ji bo kesên bi îşkenceyê hatin binçavkirin pêvajoya hiqûqî hat destpêkirin

2020-08-11 14:52:32


	&nbsp;

	ÎZMÎR - Komîsyona Mafên Jinê ya ÎHD'ê ji bo jinên bi îşkenceyê hatin binçavkirin pêvajoya hiqûqî da destpêkirin.

	&nbsp;

	Jinan li dijî vekişandina ji Peymana Stenbolê li Kolana Şehîdên Kibrisê xwestibûn meşê li dar bixin û bi îşkenceya polîsan rû bi rû mabûn. Têkildarî mijarê Komîsyona Mafên Jinê ya ÎHD'ê civîna çapemeniyê li dar xist. Daxuyaniya çapemeniyê li avahiya Şaxa ÎHD'ê hat dayin. Endama Jina Ciwan a Azad &nbsp;(OGK) Bêrîvan Oguz û û ji Kizil Okyanusê Îsmaîl Temel ên ku hatibûn binçavkirin jî beşdarî daxuyaniyê bûn. &nbsp;Ayşenûr Kizaroglu li ser navê komisyonê daxuyanî xwend.&nbsp;

	&nbsp;

	'Hat astengkirin ku çapemenî û welatî dîmenan bigirin'

	&nbsp;

	Ayşenûrê diyar kir ku di 21'ê Tîrmehê de piştî ku Pinar Gultekîn hat qetilkirin jin daketin qadan û xwestin bimeşin lê bi tundiya polîsan rû bi rû man û wiha got:"Wê demê 12 jin hatibûn binçavkirin. Welatî bûn şahid ku polîsan li jinan dane û heqaret li wan kirine. Her wiha hat astengkirin ku çapemenî û welatî dîmenan bigirin."

	&nbsp;

	'10 jin bi lêdan û kaşkirinê hatin binçavkirin'

	&nbsp;

	Ayşenûrê wiha dewam kir:"Dema jin di 5'ê Tebaxê de derketin qadan û li dijî nîqaşên vekişandina ji Peymana Stenbolê çalakî li dar xistin li der û dorê wesayetên ne fermî yên binçavkirinê hebûn. Amîrên şaxa ewlehiyê îşaret dan û 10 jin bi lêdan û kaşkirinê hatin binçavkirin. Jinek bi kelepçeya berovajî hat cezakirin û di wesayetê de ji jinên din cuda hatiye girtin û tecrîdkirin. "

	&nbsp;

	'16 kes 40 deqeyî di wesayetê de hatin sekinandin'

	&nbsp;

	Ayşenûrê diyar kir ku mêrêkî xwestiye video bigire hewil hatiye dayin ku bê binçavkirin û wiha dewam kir:"16 kesên bi lêdanê hatin binçavkirin 40 deqeyî di wesayetê de hatin sekinandin. Di dema binçavkirinê kesekî qeyrana dil derbas kir. Bi tevahî 18 kes hatibûn binçavkirin."

	&nbsp;

	'Pêvajoya hiqûqî hat destpêkirin'

	&nbsp;

	Ayşenûrê diyar kir ku Tirkiyeyê jî Peymana Li Dijî Îşkenceyê ya Neteweyên Yekbûyî îmze kiriye û wiha bi dawî kir:"Mafên meş, gotina fikir, azadiya raman, civîn, xwepêşandan tên astengkirin. Em ê wekî jin şopdarê bûyerên diqewimin bin. Hevseroka Giştî ya ÎHD û Seroka Komeleya Hiqûqê ya Têkoşîna li dijî Tundiya Zayendî Eren Keskîn pêvajoya hiqûqî daye destpêkirin."

	&nbsp;