
TTB'ê ji bo Ebru Tîmtîk û Aytaç Unsal bang kir 

2020-08-04 12:46:53


	&nbsp;

	ENQERE - Konseya Navendî ya TTB'ê ji bo Parêzer Ebru Tîmtîk û Aytaç Unsal ên ji bo adîl bên darizandin û dest bi rojiya mirinê kirin daxuyanî da. Di daxuyaniyê de hat ragihandin ku divê rewşa rê li ber rojiyên mirinê vedike neyê afirandin.&nbsp;

	&nbsp;

	Konseya Navendîya Yekîtiya Tabîbên Tirk (TTB), têkildarî çalakiya Parêzer Ebru Tîmtîk û Aytaç Unsal ên ji bo darizandina adîl ketine rojiya mirinê daxuyanî dan. Parêzer Ebrû Tîmtîk û Aytaç Unsal ku girtî ne, bi daxwaza "Darizandina bi edalet" çalakiya rojiya mirinê berdewam dikin, lê daxwaza wan li ber çavan nayê girtin. Ebru Tîmtîk û Aytaç Unsal, li gel rapora Saziya Tipa Edlî (ATK) ya "Girtina wan a di şertên girtîgehê de ne guncav e" jî 37'emîn Dadgeha Cezayên Giran a Stenbolê berdewama girtina wan da û dîsa şandin girtigehê. Ebru 215 rojin di rojiya mirinê de ye û niha bêyî daxwaza wê sewqî Nexweşxaneya Lêkolîn û Perwerdehiyê ya Dr. Sadi Konukê kirine. Aytaç Unsal jî 184 rojin di rojiya mirinê de ye û li Nexweşxaneya Lêkolîn û Perwerdehiye ya Kanuni Sultan Suleyman tê girtin. Rewşa Ebru û Aytaç her ku diçe bêtir giran dibe.&nbsp;

	&nbsp;

	Navenda Konseya TTB'ê têkildarî rewşa parêzeran xwest her kes bi awayekî adîl bên darizandin û wiha got: “Neheqî û bê hiqûqiya di qada darazê de sînorê xwe derbas kirine. 2 parêzer ji bo mafê wan ê darizandina adîl bê parastin û dengê wan bê bihîstin ketine rojiya mirinê. Ev aşkere nîşan didin ku çiqas mexdûr bûne. Wekî hemû girtiyan Parêzer Ebru Timtik û Prz. Aytaç Unsal jî mafê wan ê herî rewa û zagonî ye ku bi awayekî adîl bên darizandin. Divê ev daxwaza wan li ber çavan bê girtin û rewş û holek ku êdî kes nekeve &nbsp;rojiya mirinê û kes ji ber rojiya mirinê jiyana xwe ji dest nede bê avakirin.&nbsp;

	&nbsp;

	'Divê rûmeta mirovan neyê şikandin'

	&nbsp;

	TTB'ê anî ziman ku di Danezana Malta ya xala 21'an de jî aşkere diyar dike ku li gorî fêdeya kes be jî divê bi zorê û bêyi vîna wî xwarin neyê dayîn û mudaxale nekin û wiha bi dawî kir: "Divê rûmeta mirovan neyê şikandin. Divê li gorî Protokolo Îstanbulê tev bigerin . Em bang li hekîman dikin ku li gorî helwesta Lijneya TTB'ê gavan bavêjin û em bang li Wezareta Dadê dikin ku ji bo çareseriyê gavan bavêjin.&nbsp;