
Kongreya Star bang kir ku kes li dijî qetilkirina jinan bêdeng nemîne 

2020-08-03 15:40:08


	&nbsp;

	KOBANÊ - Kongreya Star a herêma Firatê bi daxuyaniyeke nivîskî derbarê qetilkirina jina bi navê Riweyîda Şêx Hemo de bang li civaka Kobanê û Saziyên berpirsiyar kir ku li hember qetilkirina jinan nebin temaşevan, ji ber ku zîhniyeta desthilatdaran tevahî û bi taybet ya dewleta tirk dixwazin bi qetilkirina jinan Şoreşa Rojava ya ku bi şoreşa jinê hatiye naskirin têk bibin, ji ber vê yekê pêwîst e hemû kes li hember qetilkirina jinan bêdeng nemînin.

	&nbsp;

	Di 1'ê Tebaxê de li bajarê Kobanê jina bi navê Riweyîda Şêx Hemo ji aliyê malbatê ve bi awayekî hov hate qetilkirin. Di derbarê vê mijarê de îro Rêxistina Kongreya Star a Herêma Firatê daxuyaniyeke nivîskî weşand û di daxuyaniyê de da zanîn ku wê hesabê vê kuştinê bê pirsîn.

	&nbsp;

	Daxuyanî wiha ye:

	&nbsp;

	"Ji destpêka avakirina Kongreya Star wek tevgereke jin ji bo rêxistinkirin û parastina nirxên jin ên dîrokî, çandî, aborî û siyasî têkoşînek li hember zîhniyeta desthilatdar û baviksalar daye destpêkirin . Lê mixabin li gor têkoşîna ku tê kirin û berxwedana jinê ya ku dengvedanek di tevahî cîhanê de çêkiriye, hîna jî jin rastî rêbazên qetilkirin, tecawizkirin, revandin, şidet û êrîşên cur be cur tên.&nbsp;

	&nbsp;

	1'ê tebaxê jî dîsa li kela berxwedanê li Kobanê ya ku bû sembola jina berxwedêr jina bi navê Riweyîda Şêx Hemo &nbsp;ji aliyê malbatê ve hate qetilkirin bi awayekî hov û bêexlaqî di roja cejna Qurbanê ya ku bi hezkirin û bi lihevanînê tê naskirin, kirin roja kuştin û serweriya mêr ya &nbsp;li ser jinê. Tevî ku Şoreşa Rojava bi şoreşa Jinê hatiye naskirin û sedsala 21'an bi sedsala Jinê hatiye naskirin, lê zîhniyeta ku desthilatdaran daye avakirin naxwazin were hilweşandin, ji ber vê yekê bi tundî êrîşî jinê dikin.&nbsp;

	&nbsp;

	Zîhniyeta baviksalar ya ku herî zêde dijminatiya jinê dike êrîşî nirxên jinê yên azadî, wekhevî û hêza jinê dike. Di bin navê parastina namûs, urf, adetên eşîrtî û paqijkirina namûsê de careke din dixwazin bi qetilkirina îradeya jinê tune bikin. Pilan û siyaseta desthilatdaran hertim armanc û hedefa xwe bipêkirin û tunekirina îradeya jinê ye . Ji ber vê yekê wek tevgera jinê ya herêma Firatê em bi tundî zîhniyeta faşîst, &nbsp;baviksalar û desthilatdar tewanbar dikin û bi taybet siyaseta desthilatdaran ya qirêj li ser jinê ku timî dixwazin jinê kole, bê îrade û bê hêvî bikin em red dikin.&nbsp;

	&nbsp;

	Wek tevgera jinê doza qetilkirina jinan vedikin û ji cihên berpirsyar û peywendîdar hesab dixwazin ku kujerên van bûyeran werin cezakirin. Her wiha pêwîst e li hember qetilkirina jinan dengê tevahî jinan bibe yek û asta têkoşîna xwe li hember sîstema desthilatdar mezin bikin. Di dawiyê de banga me ji civaka Kobanê, ji saziyên berpirsiyar ew e ku li hember qetilkirina jinan nebin temaşevan, ji ber ku zihniyeta desthilatdaran tevahî û bi taybet ya dewleta tirk ew e dixwazin di qetilkirina jinê de Şoreşa Rojava ya ku bi şoreşa jinê hatiye naskirin binpê bikin, ji ber vê yekê pêwîst e hemû kes li hember qetilkirina jinan bêdeng nemînin."

	&nbsp;