
Dadgehê girtekên binçavkirinê xwest   

2020-07-28 13:31:12


	&nbsp;

	RIHA &nbsp;- 2’yemîn danişîna doza Dozgîn Temo ya ji Bakurê Sûriyeyê hat revandin û teslîmî Tirkiyeyê hatibû kirin, pêk hat. Dadgehê girtekên binçavkirinê xwest

	&nbsp;

	Hêzên paramîlîter ên ji Artêşa Neteweyî ya Sûriyeyê (SMO) pêk tên ku girêdayî Tirkiyeyê ne di êrişa li dijî gundê Mişrefa Eyn Îsa de Dozgin Temo (Çîçek Kobanê) desteser û birîndar kiribûn û pişt re radestî Tirkiyeyê kiribûn. 2’yemîn danişîna doza bi îdîaya “endamtiya rêxistinê” derbarê Dozgîn de hatibû vekirin li 5’emîn Dadgeha Cezayê Giran a Rihayê hat dîtin.&nbsp;

	&nbsp;

	Dozgîn ji Girtîgeha Tîpa T a Hejmara 2 a Rihayê anîn dadgehê. Parêzera Dozgîn Hîdayet Enmek jî beşdarî danişînê bû.&nbsp;

	&nbsp;

	Danişînê bi parastina Dozgîn Temo dest pê kir. Dozgîn îfadeya xwe bi rêya wergervan bi kurdî da. Dozgîn di parastina kir de, sûcdariyên li dijî xwe red kirin û wiha got: “Min di pevçûnek şer de cih negirtiye. Dema ez hatim binçavkirin, 2 gule li lingê min hatin xistin. Ez bi vî awayî birîndar bûm û hatim binçavkirin.”

	&nbsp;

	Delîl tune ne

	&nbsp;

	Parêzera Dozgîn Hidayet Enmek dûre parastin kir û wiha axivî: “Derbarê muwekîla min de di dosyayê de tu delîl tune ye. Dîsa muwekîla min ji aliyê kê ve hatiye binçavkirin û bi çi awayî hatiye binçavkirin ne diyar e. Derbarê vê tu girtek tune ye. Dîsa &nbsp;derbarê çawa &nbsp;birîndar bûye de jî tu delîl tune ye. Di heman demê de delîlên muwekîla min li dijî Tirkiyeyê şer kiriye û beşdarî çalakiyê bûye de jî, tu delîl tune ye.”&nbsp;

	&nbsp;

	Şandeya dadgehê piştî navberek kurt, biryar da ku agahî û girtekên di dema &nbsp;binçavkirina Dozgîn de hatine girtin, &nbsp;ji dadgehê re bên şandin û dûre danişîn taloqî 22’yê Îlonê kir.&nbsp;