'Jinan bi Şoreşa Rojava zincîrên koletiyê qetandin' 

2020-07-19 15:14:30


	 

	NAVENDA NÛÇEYAN - Meclisa Jinan a Bakur û Rojavayê  Suriyeyê, Şoreşa Rojava pîroz kir û got ku jinan bi vê şoreşê re zincîrên koletiyê qetanin.

	 

	Meclisa Jinan a Bakur û Rojavayê Sûriyeyê, salveger Şoreşa Rojava ya 19'ê Tirmehê bi bi peyamekê pîroz kir û di peyama xwe de got, "Şoreşa Rojava di dîroka şaristaniyê de gaveke nû ye. Ji berxwedana Kobanê çirûska şoreşê dest pê kir û nîşaneyên asoyeke nû ji herêmên paşguhkirî re xêz kir. Ji rehîma xeta sêyemîn pêkhateyên herêmê ji kurd, ereb, suryan û asûrî gavek rast avêtin û bi rêya ciwanên xwe herêmên xwe ji wêraniyê parastin."

	 

	Berdewamiya peyama Meclisa Jinan wiha ye:

	 

	"Her sê rêveberiyên xweser bi rêya hevpeymana civakî pirên baweriyê di navbera pêkhateyan li ser bingeha hevgirtinê û qebûlkirina hev du dirêj kir. Jinan jî rolek di xêzkirina wan nîşaneyan de lîst û zincîrên berê şikandin. Jinan bi vê yekê cihek guncaw li gorî asta têkoşîna xwe girt. Li hember hovanetirîn hêzên tarî DAIŞ`ê li ber xwe da û ew tune kir. Avakirina nimûneya rêveberiyeke nû ya ku demokratîk û jiyana hevpar ji xwe re kir bingeh, li ser tevahiya pergalên şovenîst mîna dewleta Tirk a dagirker, xetere ye. Dewleta Tirk ji destpêka aloziya Sûriyê ve mudaxele kir û beşên mezin ji Sûriyê û herêmên Bakur û Rojhilatê Sûriy mîna Efrîn, Girê Spî û Serêkaniyê bi hinceta parastina ewlehiya xwe, dagir kirin û beşên din tehdît dike, di hewldaneke diyar de ji bo ku vê nimûneya demokratîk li ber çavên civaka navdewletî û bêdengiya wê têk bibe.

	 

	Em soza girêdana bi nirxên xwe dubare dikin

	 

	Em Meclisa Jinan a Bakur û Rojhilatê Sûriyê em vê şoreşa pîroz bi bîr tînin. Em soza girêdana bi nirxên xwe yên resen dubare dikin. Têkoşîna me ji bo parastina destkeftiyên ku jinan bi têkoşîn û fedakariyên xwe di qadên leşkerî, siyasî û rêveberî de bi dest xistine, berdewam e. Em bang li pêşxistina vê tecrubeyê û nimûneya demokratîk û bilindkirina asta xebatan ber bi avakirina pêşerojek baştir ji tevahiya gelan û pêkhateyên Bakur û Rojhilatê Sûriyê dikin. Her wiha divê ev nimûne wek çareseriya aloziya Sûriyê bê dîtin.”