
Li dijî destdirêjî û tecawizê bertek: Gotin qediya ye 

2020-07-17 15:59:45


	&nbsp;

	NAVENDA NÛÇEYAN - Li dijî destdirêjî û tecawiza li Şirnex û Êlihê Rêxistinên DHP'ê li gelek bajaran daxuyanî dan û gotin, "Em li cihê gotin qedya ye ne."

	&nbsp;

	Li Şirnexê çawîşê pispor ê bi navê A.A. zarokek bi destdirêjiyê re rûbirû hiştin û piştî wê jî li Êlihê jineke ciwan ji aliyê çawîşê pispor ê bi navê M.O. ve bi destdirêjiyê re rûbirû hat hiştin.

	&nbsp;

	HDP'ê bi daxuyaniyên ku li Mêrsîn, Hatay û Rihayê dan pertek nîşanî herdû bûyeran jî da.

	&nbsp;

	Mêrsîn

	&nbsp;

	Li Mêrsînê di daxuyaniya ku li ber avahiya HDP'ê hat dayîn de û parlamentera HDP'ê ya Mêrsînê Fatma Kurtulan jî tevli bû ji aliyê Hevseroka Bajarê Mêrsînê ya HDP'ê Gulbahar Şofer ve hat xwendin. Gulbahar wiha got; "Li gel polîtîkayên hikûmetê ku cudakariyê dike nava civakê her roj binpêkirinên mafan tên jiyîn, jin tên qirkirin û destdirêjî tê kirin. Lê em ê şodarên van bûyerên ku tên jiyîn bin."

	&nbsp;

	Hatay

	&nbsp;

	Li navçeya Îskenderûn ya hatayê jî li ber avahiya DHP'ê ya navçeyê bi tevlibûna gelek jinan daxuyanî hat dayîn. Metnê daxuyaniyê ji aliyê Feyruz Gur ve hat xwendin û wiha hat gotin;"Hikûmeta AKP'ê ji bo ku destkeftiyên jinan ji holê rake ji bin Peymana Stenbolê ku misogeriya qanûna 6284'an e îmzeya xwe kişandiye û bi vê helwesta xwe pêşî li destdirêjî û tundiyê vekiriye. Divê li dijî van pêkanînan em xwedî li nirxên xwe derkevin û bersîva van polîtîkayên qirêj bidin."

	&nbsp;

	Riha&nbsp;

	&nbsp;

	Li Rihayê jî rêxisitna HDP'ê li ber avahiya xwe daxuyanî da. Di daxuyaniyê de Parlamentera Rihayê Ayşe Surucu, Nuserettîn Maçîn û Omer Oclan û cîgira Hevseroka ESP'ê &nbsp;Bîrcan Taşkirina û gelek kes tevli daxuyaniyê bûn. Di daxuyaniyê Hevseroka Bajarê Rihayê Emîne Çetîner axivî û got, "Ew li cihê gotin qediya ye ne. Ev êrîş tenê li dijî zarokan pêk nehatiye li dijî tevahiya gel pêk hatiye."

	&nbsp;

	Ayşe Surucu jî got ku bi qanûnên îqtîdar derdixe gûmanbar tên parastin û wiha berdewam kir: "Niha jî di rojeva wan de qanûna destdirêjiyê heye û bi vê qanûnê dixwazin mexdûran &nbsp;bi tecawizkaran re bizewicînin. &nbsp;Lê ev nayê qebûlkirin. Em ê têkoşîna xwe bidomînin."

	&nbsp;

	Daxuyanî bi dirûşman bi dawî bû.

	&nbsp;

	&nbsp;

	&nbsp;