
'Divê qanûn hemû neteweyan biparêzin' 

2020-07-16 14:42:51


	&nbsp;

	QAMIŞLO - &nbsp;Meclîsa Jinên Sûriyeyê ji bo nîqaşkirina xalên bingehîn ên qanûna Sûriyeyê civîneke berfireh li dar xist.&nbsp;

	&nbsp;

	Meclîsa Jinên Sûriyeyê bi armanca nîqaşkirina xalên bingehîn ên qanûna Sûriyeyê civîneke berfireh li dar xistin. Civîn li parka xwendiyê ya bajarê Qamişloyê bi beşdarbûna jinên serbixwe, jinên partiyên siyasî û jinên Heyta Wetenî ya ereb hat çêkirin. Armanc ji vê civînê ew e ku jin bi xwe bikaribin zagon, dewlet û destûrê nîqaş bikin û bi hev re parve bikin.&nbsp;

	&nbsp;

	Civîn ji aliyê Berdevka Têkiliyên Meclîsa Jinên Sûriyeyê Mekiya Hiso ve hat birêvebirin.

	&nbsp;

	Mekiya di destpêkê de &nbsp;dewlet, zagon pênase kir û wiha got:"Zagon ew e ku civak li gorî wê xwe birêxistin dike. Zagon jî mafê her ferdekê/î civakê û erkê wê/î diyar dike. Ji bo dewleta Sûriyê jî hin prensîbên jorî destûrê tê xwestin, yek şekilê dewletê û rêjîma ku wê hukim dike, &nbsp;a din jî mafê hemî hemwelatiyên ku di vê dewletê de dijîn were parastin. &nbsp;Ya girîng jî ew e ku dewleta Sûrî nasnameya hemû neteweyan biparêze. Pêwîtiya Sûriyê bi guhertina qanûnê heye û ev yek wê bikaribe rê li ber pir aloziyan bigire. Divê qanûn hemû neteweyan biparêzin. "&nbsp;

	&nbsp;

	Civîn bi nîqaşên li ser qanûnê, parastina hemû neteweyan û pêkanîna demokrasiyê bi dawî bû.&nbsp;

	&nbsp;

	&nbsp;