
Bi dehan jin 2 roj in di binçavan de ne 

2020-07-15 13:51:52


	&nbsp;

	AMED - Li Amedê 23 jinên ku duh hatin binçavkirin 2 roj in li Miduriyeta Polîsan a Amedê tên ragirtin. Ji ber ku derbarê dosyayê de biryara nepeniyê heye parêzer nikarin agahiyan bigirin.

	&nbsp;

	Di çarçoveya lêpirsîna Serdozgeriya Komarê ya Amedê de derbarê 33 kesan de biryara girtinê hat derxistin. Ji van 33 kesan 23 jin duh hatibûn binçavkirin. Berdevka Platforma Rojnamegerên Jin ên Mezopotamya û edîtora ajansa me Ayşe Guney, berdevka Tevgera Jinên Azad (TJA) Ayşe Gokkan û Hayriye Turkekul a 70 salî jî di nav de 23 jin hatin binçavkirin.&nbsp;

	&nbsp;

	Hat diyarkirin ku biryara nepeniyê danîne ser dosyeyên van 23 kesan û 2 roj in li Midûriyeta Polîsan a Amedê tên ragirtin. Ji ber vê biryara nepeniyê ya li ser dosyeyan jî agahiyên derbarê lêpirsînê de nedan parêzeran.&nbsp;

	&nbsp;&nbsp;

	Navê 23 jinên hatine binçavkirin wiha ne: Berdevka Platforma Rojnamegerên Jin ên Mezopotamyayê û edîtora ajansa me Ayşe Guney, berdevka Tevgera Jinên Azad (TJA) Ayşe Gokkan, Hayriye Turkekul a 70 salî, hevseroka Federasyona Komeleyên Piştevaniya Hiqûqî ya bi Malbatên Girtî û Hikumxwaran a Med (MED TUHAD-FED) Elîf Haran, endama Komeleya Piştevaniyê ya Malbatên Girtiyan &nbsp;(TUAY-DER) Rabîa Ataş, endamên Meclîsa Şaredariya Rezanê Panayir Çelîk û Halîme Bayram, endamên Meclîsa Şaredariya Yenîşehîrê Gulşen Guneş û Ronda Bat, Hevseroka Partiya Demokratîk a Gelan (HDP) ya Yenîşehîrê ya berê Demet Ozkaran, rêvebera Sendîkaya Kedkarên Xizmeta Civakî û Tenduristiyê (SES) Rozerîn Çatak, Hevseroka HDP’ê ya Navçeya Peyasê Besîle Narîn, Hevseroka HDP’ê ya Navçeya Sûrê Hatûn Yildiz, rêveberên berê yên Sendîkaya Kedkarên Buroyê Dîlan Yakût û Guneş Ozel, aktîvîstên TJA’yê Zekiye Guler, Fîgen Ektî, Emîne Kaya, Zeynep Suncak, Selma Metîn, Rûken Şehîr, Hasret Alp, Şukran Tamîr.&nbsp;

	&nbsp;