
CÎSST: Binpêkirina mafan li girtîgehan zêde bûye  

2020-07-11 14:28:16


	&nbsp;

	STENBOL - Di têkildarî rewşa girtîgehan û bandora vîrûsa koronayê de CÎSST'ê rapora xwe aşkera kir. Di raporê de hat diyar kir ku girtî di şertên paqij de namînin û mafê wan ê tenduristiyê tê binpêkirin.&nbsp;

	&nbsp;

	Komeleya Civaka Sivîl a Di Pergala Înfaza Ceza de (CÎSST), têkildarî rewşa girtîgehan a di navbera 29'ê Hezîran û 10'ê Tîrmehê de û bandora şewba vîrûsa koronayê (Covid-19) lêkolîn kir û kirin rapor. CÎSST'ê di raporê de anî ziman ku piştî şewba vîrûsa korona binpêkirina mafan gelek zêde bûye.

	&nbsp;

	Di raporê de wiha hat gotin: "Li 52 girtîgehên girtî û bi giştî li 96 girtîgehên cuda gilî hatin kirin. Agahiyên girtîgehan û navê girtiyan veşarî hat girtin. Di serlêdanan de bi taybetî girtiyan anîn ziman ku hêjmara girtiyan pir zêde ye û ji ber zêdeyî kapasîteyê girtî di kowîşan e dimînin gelek zor û zahmetiyê dijîn. Ji ber qawîş pir tijîne, girtî di nava hev de radizên."&nbsp;

	&nbsp;

	CÎSST'ê di raporê de pirsgirêk û binpêkirina mafan rêz kir û wiha cih da binpêkirinan:&nbsp;

	&nbsp;

	“*Di destpêka şewbê de girtîgeh bi awayekî rêk û pêk dihat dezenfektekirin. Lê di demên dawî de ev yek hatiye rawestandin.&nbsp;

	&nbsp;&nbsp; &nbsp;

	* Hêjmara girtîgehên ku malzemeyên dezenfekteyê xistine girtîgehê pir kêm in.&nbsp;

	&nbsp;

	* Li hin girtîgehên girtî şibayekên qawişan pir biçûk in. Ji ber vê yekê gritî nikarin hewayê bistînin. &nbsp; &nbsp;&nbsp;

	&nbsp;

	* Li hin girtîgehan rêveberî bi keyfî girtiyan dernaxin hewşê.&nbsp;

	&nbsp;

	* Hem hewşê digirin û hem jî ava paqij û germ pir kêm didin.&nbsp;

	&nbsp;

	* Li hin girtîgehan ji ber avhewayê ritûbet pir zêde ye û qawîş bi qasî tê xwestin tavê nabînin.&nbsp;

	&nbsp;

	* Li hin girtîgehan xwaringeh bi qasî tê xwestin nayê paqijkirin. Gelek girtî bi hevre li heman xwaringehê xwarin dixwin.&nbsp;

	&nbsp;

	* Li hin girtîgehên vekirî girtî dikevin dora xwarin û qantînê.&nbsp;

	&nbsp;

	&nbsp;* Li hin girtîgehan rêveberî sabûn, ava cilşoyan û dezenfektanê bê pere li girtîgehan belav dike. Li hin girtîgehan jî ev yek tune ye.&nbsp;

	&nbsp;

	* Malzemeyên ku bê pere belav dike jî pir kêm e û têra tu kesî nake.&nbsp;

	&nbsp;

	* Li hin girtîgehan girtî tenê dema derdikeve hevdîtina telefonê dezenfektayê dikare bikar bîne.&nbsp;

	&nbsp;

	* Li hin girtîgehan dema girtî derdikevin telefonê maskeyan nadin wan.&nbsp;

	&nbsp;

	* Li hin girtîgehan maskeyan li girtiyan belav nakin. Dema girtî dixwaze bi pereyên xwe bistîne jî diyar dikin ku maske tuneye ye.&nbsp;

	&nbsp;

	* Li hin girtîgehan bê pere malzemeyên paqijiyê belav nakin.&nbsp;

	&nbsp;

	* Li Gelek girtîgehan malzemeyên paqijiya tuwaletan nayen belav kirin.&nbsp;

	&nbsp;

	* Serşok qirêj in.&nbsp;

	&nbsp;

	* Hêjmara Lavaboyan pir kêm in.&nbsp;

	&nbsp;

	* Bê navber avê ji ser girtiyan qut dikin.&nbsp;

	&nbsp;

	* Li herêmên avhewa germ be li wan girtîgehan bêtir avê ji ser girtiyan qut dikin.&nbsp;

	&nbsp;

	* Girtî nikarin paqijiya şexsî bikin.&nbsp;

	&nbsp;

	&nbsp;* Li hin girtîgehan xwarinê kêm û bê qalîte didin girtiyan.&nbsp;

	&nbsp;

	* Li hin girtigehan gramaja nan kêm didin girtiyan.&nbsp;

	&nbsp;

	* Xwarin têra hemû girtiyan nake.&nbsp;

	&nbsp;

	* Girtiyên nikaribin xwarina girtîgehê bixwin, ji bilî wê xwarinek din nadin girtiyan.&nbsp;

	&nbsp;

	* Li qantînê berhem pir buha ne û girtî nikarin ji qantinê bitînin.&nbsp;

	&nbsp;

	* Malzemeyên ku li qantînên girtîgehên girtî tê firotin pir zêde buha ye.&nbsp;

	&nbsp;

	* Her tim malzemeyan li kantinan nafiroşin û dema ji girtiyan re pêwist dibe nikarin bi dest bixin.&nbsp;

	&nbsp;

	* Xwarina diyetê nadin girtiyan.&nbsp;

	&nbsp;

	* Ji bo girtiyên nexweş xwarina bi vitamin &nbsp;û bi hêz temîn nakin.&nbsp;

	&nbsp;

	&nbsp;* Ji bo girtiyên nexweş û temenê wan mezin ku di rîskê de ne tedbîran nagirin.&nbsp;

	&nbsp;

	* Li hin girtîgehan bijîşk bi rêk û pêk naçe revîran.&nbsp;

	&nbsp;

	* Li hin girtîgehan nexweşan dernaxin revîran.&nbsp;

	&nbsp;

	* Dema girtî derdikeve revîrê jî nikare hemû dermanan bistîne.&nbsp;

	&nbsp;

	* Li gelek girtîgehan sewqa nexweşxaneyan û dermankirin rawestandine.&nbsp;

	&nbsp;

	* Li hin girtîgehan bi sînor girtîyan sewq dikin.&nbsp;

	&nbsp;

	* Li gel ku bijîşkê revîrê diyar dike ku girtiyê nexweş sewqî nexweşxaneyê bê kirin jî rêveberiya girtîgehê girtiyan sewqî nexweşxaneyan nake.&nbsp;

	&nbsp;

	* Dermankirina girtiyên nexweşê kronîk demek dirêj e nayê kirin.&nbsp;

	&nbsp;

	* Girtiyên diçin nexweşxaneyê jî neçar in 14 rojan di qerantinayê de bêne girtin.&nbsp;

	&nbsp;

	* Girtiyên nexweş ên rewşa wan giran jî dema ji nexweşxaneyê vedigerin di qerantînayê de tên girtin û nikarin bi serê xwe pêdiviyên xwe pêşwazî bikin."&nbsp;

	&nbsp;