Komîsyona jinê ya KNK'ê çalakî li dar xist 

2020-07-08 16:06:00


	 

	 

	NAVENDA NÛÇEYAN - Komîsyona Jinê ya Kongreya Neteweyî ya Kurdistanê (KNK) li pêşiya avahiya Nûnertiya NY a bajarê Bonn a Elmanyayê dest bi çalakiya rûniştinê ya sê rojî kir.

	 

	Komîsyona Jinê a KNK’ê bi armanca protestokirina êrîşên dewlata Tirk a li Kurdistanê li pêşiya Nûnertiya NY a li Bonnê çalakiyek kirin.

	 

	Çalakiya rûniştinê ya 3 rojan wê dom dike, îro saet 10:00’an destpê kir. Çalakî wê roja Înê saet 16:00’an bi dawî bibe.

	 

	Çalakvan daxwaza civînê li gel Destaya Jinan a NY’yê dike. Komîsyona Jinê ya KNK’ê ya ku daxuyaniyek da, diyar kirin ku dewleta tirk li Kurdistanê dest bi êrîş û planên qirkirinê kiriye û herî dawî jî li Kobanê 3 aktivîsên jin qetil kirin.

	 

	Her wiha di dawiya daxuyaniyê de di serî de bêdengiya NY, NATO û hemû saziyên navneteweyî şermezar kirin.

	 

	Her wiha jinan êrîşên bi sîstematîk ên li Efrînê li ser jinan jî tê kirin protesto kirin.