
Daxwaza berdana Dayika Aştiyê Makbûle Ozbek hat redkirin 

2020-07-08 13:31:12


	&nbsp;

	AMED - Dadgehê bi hinceta “gumana revê heye” îtîraza ji bo berdana Dayika Aştiyê Makbule Ozbek ku hatibû girtin red kir.

	&nbsp;

	Di çarçoveya lêpirsîna derbarê Kongreya Civaka Demokratîk (KCD) ku hat birêvebirin 23 kes hatibûn girtin û yek ji van jî Dayika Aştiyê Makbule Ozbek a 72 salî bû. Dayika Makbule Ozbek bi hinceta beşdarî daxuyanî û çalakiyan, serdana taziyeyan bûye û du zarokên wê di şer de jiyana xwe ji dest dane bi îdiaya “endama rêxistinê ye” hatibû girtin û tê darizandin. &nbsp;Makbule li Girtîgeha Amedê di hucreya karantînayê de tê girtin.&nbsp;

	&nbsp;

	Berdana Maqbûleyê hat redkirin

	&nbsp;

	Gelek nexweşînên Makbule &nbsp;hene û tevî vê yekê jî girtî ye. Parêzerên Makbule &nbsp;ji bo berdana wê serî li Dadgeha Cezayê Sulhê ya Nobedar a Amedê dan û xwestin were berdan. Dadger bi hinceta “gumana revê heye” serlêdan ango îtîraza parêzeran red kir û xwest Makbule &nbsp;girtî were darizandin.&nbsp;

	&nbsp;

	'Çalakiyên Dayika Makbûle beşdar bûye bi temamî demokratîk in'

	&nbsp;

	Parêzera Makbule Ozbek, Gulşen Ozbek anî ziman ku dayika Makbule Ozbek tu sûc nekiriye û wê ji bo aştiyê û hin bêtir însan neyên kuştin beşdarî çalakî û daxuyaniyan bûye. Gulşen anî ziman ku çalakiyên Dayika Makbûle beşdar bûye bi temamî demokratîk û mafê qanûna bingehîn e û beşdariya wê ya wan çalakiyan nabe sûc. Gulşen da zanîn ku gelek nexweşînên kronîk ên miwekîla wê hene û divê ne girtî were darizandin û tevî raporên wê hene jî daxwaza wan hatiye redkirin. Gulşen destnîşan kir ku gumana reşkirina delîlan nîne û girtina dayikek 72 salî nayê qebûlkirin.&nbsp;