
Hatîce Taş a ku qeyûm tayînî şûna wê hat kirin û 7 kes hatin binçavkirin 

2020-06-22 10:19:16


	&nbsp;

	ÊLIH - Vê serê sibehê di encama serdegirtina malan de Hevşaredara Bajaroka Awiskê Hatîce Taş û 7 kesên din hatin binçavkirin.&nbsp;

	&nbsp;

	Di çarçoveya lêpirsîna ji aliyê Serdozgeriya Komarê ya Êlihê de hatiye destpêkirin, li navenda Êlihê cendirme û tîmên taybet bi ser mala Hevseroka Şaredariya Bajaroka Awîskê ya girêdayî Qûbînê Hatîce Taş a qeyûm tayînî şûna wê hatibû kirin de girtin. Tîmên taybet deriyê malê şikandin û ketin malê. Cendirmeyan li malê lêgerîn pêk anî. Piştî lêgerînê cendirmeyan Hevşaredar Taş binçav kir.&nbsp;

	&nbsp;

	Li gel Taş endamê Meclîsa Şaredariyê Tahsîn Yildirim, xebatkarên şaredariyê Huseyîn Taş, Cemal Dogan, Ekrem Evrûz, Bayram Ozalp û kesek navê wî nehat zanîn hatin binçavkirin. Sedema binçavkirinê nehat zanîn û binçavkiriyan birin Fermendariya Cendirmeyan a Êlihê.&nbsp;

	&nbsp;&nbsp;

	Di çarçoveya operasyonê de cendirmeyan bi ser mala Hevşaredarê Awîskê Osman Karabûlût de jî girt. Lê ji ber ku &nbsp;Osman &nbsp;ne li malê bû nehat binçavkirin.&nbsp;

	&nbsp;

	Hat zanîn ku di çarçoveya lêpirsîna hatiye destpêkirin de derbarê 25 kesan de biryara girtinê hatiye derxistin.&nbsp;

	&nbsp;&nbsp;

	Hevjînê Hatîce, Fersende Taş ragihand ku cendirme û tîmên taybet bê ser û ber bi ser mala wan de girtine û deriyê wan şikandine û mala wan serûbin kirine. Fersende anî ziman ku tîmên taybet îşkence li wî û zarokên wî li erdê dirêj kirine û qûndaxê çekan xistiye serê wan. Fersende da zanîn ku cendirmeyan îşkence li wan kiriye û zarokên wî gelek tirsiyane. Fersende got cendirmeyan telefona wî desteser kiriye û wêne û dîmenên kişandiye jê birine.&nbsp;

	&nbsp;

	Tê gotin dibe ku hejmara binçavkiriyan zêde bibe.&nbsp;

	&nbsp;