
'Jinan li dijî kuştina jinan nepox firandin' 

2020-06-21 13:12:10


	&nbsp;

	AMED - Jinên TJA û HDP'yî, ji bo balê bikişînin ser kuştina jinan û êrîşa &nbsp;zayendî û girtina jinan çalakiya firandina nepoxan li dar xistin.

	&nbsp;

	Tevgera Jinên Azad (TJA) û Meclîsa Jinan a Partiya Demokratîk a Gelan (HDP), ji bo balê bikişîne ser girtin û kuştina jinan û êrîşa zayendî ya li dijî zarokan, li ber avahiya HDP'ê ya Rezanê daxuyanî dan çapmeniyê. Daxuyaniya ku gelek jin tevlî bûn pankarta bi dirûşma "gotinên ku em ê bêjin, hêza ku em ê biguherînin heye" vekirin. Her wiha jinan dirûşmên "Jin Jiyan Azadî", "Kuştina jinan polîtîk e" jî berz kirin.

	&nbsp;

	'Li hemberê êrîşan em bêdeng nemînin'

	&nbsp;

	Daxuyanî ji aliyê Hevseroka HDP’ê ya Rezanê Fatma Kavmaz ve hat dayîn. Fatma diyar kir ku di demên dawî de kuştina jinan zêde bûye û got: " Em li dijî êrîşên li ser jinan û êrîşa zayendî ya li dijî zarokan bêdeng namînin û dev ji têkoşîna xwe bernadin. Em girtina jinan a ji ber fikr û ramanên xwe, &nbsp;her wiha qanûna ku pêşîya zewaca zarokan vedike qebûl nakin û li dijî van pêkanînan em têkoşîna xwe geş bikin."

	&nbsp;

	Piştî daxuyaniyê jinan bi dirûşman nepoxên di destên xwe de li dijî kuştin û girtina jinan û li dijî êrîşa zayendî ya li zarokan ber bi hewa ve firandin.&nbsp;