
Meclîsa Kantona Kobanê: Divê bi lez êrîş û dagirkerî were rawestandin  

2020-06-20 13:28:38


	&nbsp;

	KOBANÊ- Meclîsa Kantona Kobanê li dijî êrîşên dewleta tirk yên li ser Başûrê Kurdistanê daxuyanî da û got: "Divê ku partiyên kurdî, hêzên demokratîk, hikûmeta Iraq û Başûrê Kurdistanê bi awayekî lez û bi hevkariya hêzên dewletî helwestên cidî ji bo redkirina êrîş û dagirkeriyê nîşan bidin."

	&nbsp;

	Li dijî topbaran û êrîşên dewleta tirk yên li ser hêrêmên Başûrê Kurdistanê Şengal, Kampa Şehîd Rûstem Cûdî ya Penaberan (Mexmûr) û qadên Parastina Medya, Meclîsa Kantona Kobanê bi amedebûna dehan endamên xwe li navenda xwe daxuyanî da çapemeniyê. Daxuyanî ji aliyê Hevserokê Meclîsa bajarokê Sirînê Mihmed Selmo ve hat xwendin.

	&nbsp;

	Daxuyanî wiha ye:&nbsp;

	&nbsp;

	"Di vê rewşa heyî de cîhan tevahî bi kirîza aborî ya ji ber şewba Konronayê rû bi rû ne. Di dema ku divê hemû dewlet yekîtiya xwe ya li dijî van kirîz û aloziyan ava bikin da ku bigêjin ewlehiyeke giştî, em dibînin ku dewleta tirk li hember zarokên herêma me û dewletên cîran komkujiyan çêdike da ku Gelê Kurd qir bike.&nbsp;

	&nbsp;

	Dewleta tirk hemû zagonên navneteweyî û yên komeleyên mafên mirovan binpê kir ku herêmên bi ewle yên Başûrê Kurdistanê Heftanîn, Şengal û Mexmûr hedef girtin. Ev herêm di bin berpirsiyariya navneteweyî de ye kû bi riya balafirên şer, top û tankên herî pêşketî êrîş tê kirin û sîvîl hedef tên girtin.&nbsp;

	&nbsp;

	Li şûna ku ev dewleta cîran piştgiriyê bide em dibînin ku bi zanebûn gelên herêmê yên ku li dijî terorîstên herî bi hêz Çeteyên DAIŞ`ê &nbsp;şer kirin, zarokên xwe ji bo parastina cîhanê û parastina rûmet û hebûna xwe kirin feda, &nbsp;koçber û perîşan dike. Dewleta tirk bi riya dagirkirina beşek ji Sûriyeyê Cereblûs, Bab, Ezaz, Efrîn, Idlib, Serêkanî, Girê Spî, her wiha Lîbya, Yemen û pişt re ne diyar e kîjan dewlet dixwaze van herêman vegerîne serdema dagirkeriya Osmaniyan. Piştî van hemû fedekarî û qurbaniyên ku gelê me daye, em &nbsp;bêdengiyeke navneteweyî dibînin. Gel tê qetilkirin, koçberkirin, tecawizkirin, zarok bi zorê dikin leşker lê tevî van kiryaran bêdengiyeke cîhanî serdest e.

	&nbsp;

	Em êrîşên dewleta tirk ya dagirker ên li ser Başûrê Kurdistanê &nbsp;şermezar dikin. Her wiha em ji civaka navneteweyî û rêxistinên civaka sivîl daxwaza rawestandina êrîşên hov yên dagirkeriya Tirkiyeyê dikin. Em ji Partiyên Kurdî û hêzên demokratîk bi taybet daxwaza avakirina yekrêziya xwe dikin da ku em li dijî cînayetên ku di derheqê gelê me de pêk tên bisekinin. Her wiha divê ku hikûmeta Iraq û Başûrê Kurdistanê bi awayekî lez û bi hevkariya hêzên dewletî helwestên cidî ji bo redkirina êrîş û dagirkeriyê nîşan bidin."&nbsp;

	&nbsp;