
Meşvanên demokrasiyê ji Rihayê Îmrali silav kirin  

2020-06-19 14:05:42


	&nbsp;

	RIHA - Meşvanên baskê Colemêrgê yên HDP’ê li Rihayê bi coş hatin pêşwazîkirin. Parlamentera HDP'ê Pero Dundar got em ji welatê zarokên rojê ji Rihayê silavan dişînin Îmraliyê.&nbsp;

	&nbsp;

	Meşa baskê Colemêrgê ya HDP’ê ji Amedê vê sibê bi rê ket û gihîşt Rihayê. Meşvanên HDP’yî li navçeyên Siwêreg û Cûrnê Reş bi kêfxweşî hatin pêşwazîkirin. Piştî van navçeyan şandeya HDP’ê çû Rihayê û liv ir jî hatin pêşwazîkirin. Tevî hemû astengiyan jî meşa HDP’ê ber bi Enqereyê ve didome. Dê meşa îro bigihîje Edeneyê û tê payîn sibê li Enqereyê bin.&nbsp;

	&nbsp;

	'Meşa me ya azadiyê ye'

	&nbsp;

	Parlamentera HDP'ê ya Mêrdînê Pero Dundar da zanîn ku Riha cihê zarokên rojê ye û wiha got:"Em dizanin Riha bajarê zarokên rojê ye. Em ji vir heta Îmraliyê silavên xwe bi rê dikin. Meşa me ya azadiyê ye."

	&nbsp;

	Piştre bi dirûşmên "Bijî berxwedana HDP'ê" heyet ber bi Edeneyê ve hat oxirkirin.&nbsp;

	&nbsp;

	&nbsp;